By 
Otawa\ Kanada
Ditën e dielë, më 17 qershor 2018, ambasadori shqiptar në Kanada Ermal Muça dhe zonja e tij, organizuan një pritje në rezidencën shqiptare në Ottawa. Nuk janë të rralla eventet me karakter shqiptar që komuniteti ynë i vendosur në Kanada ka mundur të njohë nga afër. Duke vlerësuar në mënyrë të veçantë Ambasadën shqiptare, axhenda e tyre nuk ka anashkaluar asnjë ditë të shënuar të kalendarit shqiptar. Duke theksuar veçantinë e këtij viti, si viti mbarëkombëtar i “Gjergj Kastrioti Skënderbeut”, këtë herë ishin disa punime artistike mbi heroin që mblodhi shqiptarët.
Hytbi Tarelli, ishte shqiptari i cili la pas një numër të konsiderueshëm të punimeve të tij më karakter artistik. Duke respektuar emrin e tij, bashkëatdhetarë të të gjitha provincave ndoqën ekspozitën e organizuar nga Ambasada shqiptare. I njohur edhe më herët në komunitet, Tarelli gjalloi mjaft prej figurave shqiptare si Skënderbeun, Nënë Tereza, Naim Frashëri, Adem Jashari etj. Kujtojmë që vetëm pak javë më parë, zonja Tarelli në bashkëpunim me Ambasadën shqiptare, i dhuroi Ambasadës së Kosovës, një prej punimeve më pikante te figuravës së heroit të Mitrovicës, Adem Jasharin.
Aktivitetit, plotësisht më karakter shqiptar, fliste në detaje shqip. Kështu, e gjithë mbrëmja u shoqërua nga tingujt e bukur të muzikës së mjeshtrit Augustin Simoni si dhe u ëmbëlsua me gatime të shijshme shqiptare.
