By Në fillim të javës, me iniciativën vullnetare të disa aktivistëve, u mblodhëm në një takim fillestar me përfaqësues të shoqatave nga Hamiltoni, Toronto, Ottawa, Windsor, Kitchener dhe Montreali, të Xhamisë Shqiptare, si dhe me disa përfaqësues qytetarë. Në atë mbledhje u formua një Këshill Organizativ.
Në emër të Këshillit Organizativ, ju njoftoj për organizimin e një proteste paqësore, gjithëpërfshirëse dhe krejtësisht mbipartiake.
Në dritën e zhvillimeve të fundit lidhur me vendimet e Gjykatës Speciale, komuniteti ynë po bëhet bashkë për të mbrojtur të vërtetën e pamohueshme historike: pafajësinë e luftëtarëve të Ushtrisë Çlirimtare të Kosovës (UÇK) dhe nderimin e viktimave të gjenocidit dhe spastrimit etnik të regjimit serb.
Qëllimi ynë është të përcjellim një mesazh të fuqishëm dhe dinjitoz te opinioni publik kanadez dhe ndërkombëtar: UÇK-ja ishte ushtri çlirimtare që mbrojti popullin e vet krah për krah me aleatët perëndimorë dhe NATO-n, dhe drejtësia nuk mund të tjetërsohet apo ta barazojë viktimën me agresorin.
Detajet e eventit:
- Data: 25 tetor 2026
- Koha: 1:00 PM – 4:00 PM
- Vendi: Queen’s Park (po punohet për marrjen e lejes)
- Karakteri: Paqësor, qytetar dhe absolutisht mbipartiak.
Ftesë për mbulim mediatik:
Ftojmë mediat tuaja të na bashkohen për mbulimin e këtij aktiviteti me rëndësi të veçantë kombëtare. Prania juaj është thelbësore për të pasqyruar zërin e përbashkët të shqiptarëve të Kanadasë te bashkëatdhetarët tanë kudo në botë.
Gjatë protestës do të ketë fjalime nga përfaqësues të komunitetit , lexim të deklaratës zyrtare në anglisht, si dhe zëdhënës zyrtarë të disponueshëm për deklarata dhe intervista.
Për çdo pyetje, konfirmim të pjesëmarrjes apo kërkesë, ju lutemi na kontaktoni:
- Personi kontaktues: Dritan Dede
- Telefoni: 416-989-7570
- Email: dritandede@outlook.com
Ju falënderojmë paraprakisht për mbështetjen dhe bashkëpunimin tuaj të vazhdueshëm në shërbim të së vërtetës!
Me respekt,
Dritan Dede dhe Këshilli Organizativ
