By 
Në kuadër të vlerësimeve për anëtarët dhe bashkëpunëtorët që kontribuuan në vitin e parë të veprimtarisë së The Artistè Foundation, edhe Belinda Lahu është nderuar me “Distinguished Service Award”, në shenjë mirënjohjeje për përkushtimin, shërbimin dhe kontributin e saj në organizatë.
Vlerësimi evidenton në mënyrë të veçantë edhe rolin e Lahut në realizimin e projektit “25@25: Refugees Making A Difference”, një prej iniciativave kryesore që shënoi vitin themelues të Fondacionit.
“25@25: Refugees Making A Difference” solli së bashku histori, eksperienca dhe kontribute të individëve me prejardhje refugjate, ndërsa realizimi i tij kërkoi angazhimin dhe bashkëpunimin e një ekipi të gjerë.
Belinda Lahu ishte pjesë e këtij angazhimi, ndërsa vlerësimi i dhënë nga The Artistè Foundation njeh kontributin e saj në realizimin e projektit dhe punën e zhvilluar gjatë kapitullit të parë të organizatës.
Me rastin e përvjetorit të parë, Fondacioni po sjell në vëmendje dhe po vlerëson individët që, përmes punës, kohës dhe përkushtimit të tyre, kontribuuan në ndërtimin dhe zhvillimin e Artistè.
Për Belinda Lahun, “Distinguished Service Award” përfaqëson një mirënjohje për kontributin e dhënë në këtë rrugëtim dhe veçanërisht për angazhimin në një prej projekteve më përfaqësuese të Fondacionit, 25@25.
Nga puna në prapaskenë deri te realizimi i iniciativave të përbashkëta, kontributi i secilit prej anëtarëve të ekipit është bërë pjesë e historisë së vitit të parë të The Artistè Foundation.
