RH Scholarship\ Bursa për studentët e shkëlqyer shqiptarë në mbrëmjen shkodrane

RH Scholarship\ Bursa për studentët e shkëlqyer shqiptarë në mbrëmjen shkodrane

Një traditë që nga viti 2014. Autorë, profesionistë, kulturë, traditë, çfarë u pa në mbrëmjen shqiptare

Toronto-Kanada

Vetëm pak ditë më parë (11 tetor 2019) RH Scholarship Foundation organizoi “Nata shkodrane”. Për të njohur më shumë mbi kulturën, për të mos harruar rrënjët dhe për t’i kthyer sytë nga e kaluara, mbrëmja shqiptare u kthye në një festë të vërtetë e cila do të mbahet mend gjatë. Jo rastëtisht Shkodra ishtë fokusi i mbrëmjes, por si një udhëheqëse e kulturës dhe djepi i qytetarisë së përjetshme, ky qytet ende prodhon talente në çdo fushë.

Këngë, kostumografi, kulturë, humor dhe fotografi shkodrane, ishte refreni i mbrëmjes. Arti fotografik i MARUBI-t, një thesar i trashëgimisë shpirtërore, gjithashtu ishte pjesë mjaft e dukshme e mbrëmjes.

RH Scholarship Foundation vjen edhe këtë herë duke dëshmuar traditë për komunitetin shqiptar në Toronto. Nuk është hera e parë që ajo bëhet objekt për takimin dhe vlerësimin e shqiptarëve, aktivistëve apo edhe të rinjve me të ardhme premtuese. Ishte një natë që do të mbahet mend edhe për faktin që mjaft të rinj e të reja shqiptaro-kanadezë, festuan çmimet e bursat e akorduara nga Fondacioni.

Në këtë ceremoni vjetore, RH Scholarship prezantoi çmimet dhe bursat që fondacioni akordoi për studentët, u festuan arritjet akademike të të rinjve.

Ishte kjo një mënyrë për t’i dhënë një vend të ri në shoqërinë kanadeze komunitetit shqiptar. Sukseset e të rinjve, janë sa frymëzuese aq edhe dashamirësë ndaj pjesë tjetër të cilët ndihen mjaft krenarë për arritje të reja.

Tashmë, nuk është më risi kur anëtarë të komunitetit shqiptar janë në poste drejtuese të korportave apo institucioneve të mëdha. Sigurisht që edukimi i mirë i tyre, etika profesionale dhe cilësi të tjera si këto qëndrojnë në bazën e këtij suksesi. Promovimi i këtyre cilësive është pikërisht objektivi që fondacioni ka në qendër të vëmendjes dhe të veprimtarisë.
Pikërisht bursat që RH Scholarship Foundation dha këtë vit janë mbështetje dhe përgjegjësi përparësore për të ruajtur dhe çuar më tej trashëgiminë e kulturës shqiptare që bën të mundur prezantimin tonë sa më mirë në shoqërinë ku jetojmë.

Pjesëmarrësit në këtë aktivitet u njohën me një botim të Marien Shestanis: – Shkodër, në librin e të cilit hidhet dritë mbi traditën, kulturën dhe artin e lëvruar në qytetin e Shkodrës në shekuj. Gjatë mbrëmjes, vajza e tij u dhuroi një kopje të këtij libri veçanërish fituesve të bursave të dhëna nga fondacioni si dhe shpërndau disa kopje për të pranishmit e tjerë gjithashtu.
Një prezantim dinjitoz në këtë mbrëmje ishte dhe ekspozita e koleksionit të fotografive më të spikatura të fototekës me famë mbase dhe botërore të lënë trashëgim nga dinastia e familjes shkodrane Marubi, që e ka ushturar artin e fotografimit qysh nga 1856 e deri më 1989. Ky koleksion i përgatitur nga D. Meta përfshinte fotografitë historike që u përkasin tre brezave të mjeshtërve Marubi. Një tjetër aspekt i veçantë i këtij aktiviteti ishte prezantimi nga pjesëmarrësit direkt të arritjeve të tjera në jetën shoqërore dhe artistike të Shkodrës.

Gjithashtu artistë të tjerë e pasuruan mbrëmjen me veprat e tyre. Piktori i talentuar A.Beqiri paraqiti në këtë mbrëmje një koleksion të pikturave të tij. Shkrimtari i talentuar Kristaq Turtulli u paraqiti gjithashtu pjesëmarrësve librat e fundit të tij.

“Shqiponjat e vogla” me koreografin e talentuar prof. Ramazan Kellezi, gjithashtu rikthyen traditën e valles shqipe në Kanada. Këngëtarët shqiptarë Ervin BushatiDorina Tiko dhe muzikanti Erlind Emiri me tingujt e tyre gazmorë e ritmikë e bënë këtë aktivitet më të këndshëm për të pranishmit.

Fituesit e bursave te “Rh Schollarship” janë:
1- M. Sqapi (Stomatologji, në Universitetin e Torontos)
2- Xh Zhapa (Financë në Universitetin e Torontos).
3- E.Isaj- (Universiteti i Windsor- Fakulteti Juridik).
4- L.Mici (Bachelor i Shkencës së Jetës – McMaster)
5-E. Hysi- (Universiteti i Torontos)
6-A.Pepaj- (Inxhinieri Elektrike në Universitetin Ryerson)
7-R.Mulliqi (Universiteti Uaterlo)
8-P.Metani (Shkolla Juridike Osgood)
9-K.Aleksi- (Universiteti i Torontos).
10-Shqiponjat e Vogla

administrator

Related Articles

Leave a Reply

Your email address will not be published. Required fields are marked *