By Montreal, 8 Mars – Në kuadër të Ditës Ndërkombëtare të Gruas, komuniteti shqiptar në Montreal organizoi një takim ndryshe, ku mblodhën shumë gra shqiptare për të festuar arritjet dhe forcën e grave në shoqërinë shqiptare dhe globale. Ky takim u bë një moment reflektimi dhe nderimi për sakrificat, sukseset dhe krenarinë që gratë shqiptare vazhdojnë të sjellin në jetën e përditshme.
Dita u shënua me një ceremoni festive, të mbushur me rrëfime frymëzuese dhe histori të grave që kanë arritur sukses në fusha të ndryshme, duke kontribuar në zhvillimin e komunitetit shqiptar dhe më gjerë. Gjatë ngjarjes, u theksua imazhi i ngritur i Shqiptarisë, për të cilin të pranishmit shprehën krenarinë që e ndajnë kudo në botë.
Në mesin e atyre që morën pjesë në këtë ngjarje ishin edhe ambasadorja e Shqipërisë në Kanada, Artemis Malo, përfaqësues të Shoqatës Shqiptare të Montrealit dhe Shoqatës Shqiptare të Kosovës në Montreal, si dhe shumë emra të tjera të shquara të komunitetit shqiptar.
Organizimi i këtij eventi, që u zhvillua nën drejtimin e AlbEvent, u shoqërua me një drekë tradicionale shqiptare, ku shijet autentike u sollën nga amvisat dhe bizneset shqiptare që operojnë në Montreal. Pjesëmarrësit shijuan gatime tradicionale shqiptare, që gjithashtu treguan pasurinë e kulturës shqiptare.
Një nga momentet më të veçanta të ngjarjes ishte performanca e grupit të valleve tradicionale Albos, i cili solli energji dhe emocion me interpretimin e valleve shqiptare. Në fund të këtij eventi, të gjithë të pranishmit e ndanë mirënjohjen për angazhimin dhe përkushtimin e grave shqiptare, si dhe për mbështetjen e ambasadorës së Shqipërisë, Artemis Malo, si dhe të tjerë që kontribuan për realizimin e këtij takimi.
Faleminderit për gjithsecilin që bëri të mundur këtë takim te paharrueshëm dhe për atmosferën e ngrohtë, festën e organizuar me dashuri dhe solidaritet, e cila e nderoi Ditën Ndërkombëtare të Gruas në Montreal në një mënyrë të veçantë.
