By Toronto- Ontario
Albanian Movie dhe Elona Temali, pas suksesit të komedisë “Dashuri & Turbulenca”, do të sjellë këtë fundjavë në Toronto filmin mjaft të përfolur shqiptar “Zgjoi“. Filmi i cili ka fituar tashmë një famë ndërkombëtare dhe është shpërblyer me disa çmime të rëndësishme në festivalet e huaja, ka marrë vëmendjen edhe të shumë prej mediave internacionale.
“Filmi i zhanrit dramë “Zgjoi (Hive)” nis me një grua pa buzëqeshje me një karakter të fortë, e cila qëndron e vetme pranë një kamioni. Njerëzit flasin përreth, duke murmuritur në mënyrë të paqartë. Befas, gruaja futet nën një shirit policie dhe futet në kamion, ku me nxitim fillon të zbërthejë një çantë të bardhë të qeses me trupa për të skanuar përmbajtjen e tij, nëse mund të jetë burri i saj. Ajo më pas nxirret shpejt nga kamioni nga një punëtor, por kërkimi i saj vazhdon”.
“Gruaja e quajtur Fahrije (rol i luajtur nga Yllka Gashi) është në kërkim të bashkëshortit të saj, një prej të pagjeturve, i cili është zhdukur vite më parë gjatë Luftës së Kosovës. Tani, me dy fëmijët e saj dhe vjehrrin me aftësi të kufizuara, ajo lufton për të mbajtur familjen. Ajo punon me koshere bletësh që dikur i menaxhonte i shoqi, duke shitur kavanoza me mjaltë në një treg lokal. Shitjet janë modeste dhe nganjëherë pothuajse inekzistente, por bletët janë mjeti i saj i vetëm për të tejkaluar një jetë të varfër. Herë pas here, ajo takohet me një kolektiv të grave, anëtaret e të cilit përballen me të njëjtat pengesa nën vëzhgimin e padobishëm të burrave të qytetit. Dhe ajo vazhdon të kërkojë të shoqin – një fantazmë shqetësuese”.
Ky film i metrazhit të gjatë u shpërblye me çmimet: ‘Filmi më i mirë’, ‘Regjisorja më e mirë’, dhe ‘çmimin e vlefshëm të publikut të festivalit më të madh të filmit të pavarur në ShBA’.
“Zgjoi” me regji të Blerta Bashollit, është një pasqyrë e plagëve ende të hapura të luftës së fundit në Kosovë (1997-1999), të cilat u reflektuan me një numër të madh të të pagjeturve, e kryesisht një mal vështirësish për ata që janë ende në kërkim…
Filmi i regjisores nga Kosova, Blerta Basholli, “Zgjoi (Hive)” ishte në listën e ngushtë të kategorisë ‘Filmi më i mirë në gjuhë të huaj”, në ‘Oscar 2022’, bashkë me 14 filma të tjerë. Për komunitetin shqiptar në Toronto, filmi do të vijë më 15 prill në INNIS TOWN HALL. Biletat mund ti gjeni në linkun si më poshtë:
www.albanianmovie.com
