Fotoja që bëri xhiron e rrjetit. A u parashikua vërtet koronavirusi që në vitin 1962?

Fotoja që bëri xhiron e rrjetit. A u parashikua vërtet koronavirusi që në vitin 1962?

Fotoja e një reviste të njohur italiane “pushtoi” mediat në të gjithë botën. Kjo foto u publikua nga revista italiane në vitin 1962, por që është rikthyer sërish dhe ka shkaktuar mjaft zhurmë. Në të shihen njerëz të cilët udhëtojnë vetëm dhe të izoluar nga njerëzit e tjerë.
Kjo fotografi është interpretuar sikur revista ka parashikuar atë çfarë do të ndodhte në të ardhmen për shkak të COVID-19, ku njerëzit po detyrohen të respektojnë distancimin social.

Foto virale ishte botuar në një gazetë javore italiane “La Domenica del Corriere”, i cili nisi botimin nga 1899 deri në 1989. Imazhi u shfaq në kopertinën e pasme të gazetës në botimin e 16 dhjetorit 1962 me një mbishkrim:
“A do të shkojmë nëpër qytete kështu? Ja se si mund të lehtësohet problemi i trafikut në qytete, nëse nuk zgjidhet plotësisht: makina të vogla me një vend që zënë një zonë të vogël. Ndryshe nga pretendimi viral, krijuesi i këtij arti, karikaturist satirik Walter Molino, nuk përmendi në mënyrë specifike se fotografia është një ilustrim i vitit të ardhshëm 2022.
Titulli sugjeron që fotografia në të vërtetë tregon se si problemi i trafikut në qytete mund të lehtësohet në të ardhmen duke përdorur makina të vogla.
Në përfundim, ilustrimi viral i botuar në 1962 nuk tregon se si do të duket bota në 2022 për shkak të COVID-19, por u botua për të treguar se si problemi i trafikut në qytete mund të lehtësohej në të ardhmen duke përdorur makina të vogla, me një vend.

administrator

Related Articles