By Nga 1 janari 2024, qytetarët e Republikës së Kosovës mund të lëvizin lirshëm në Europë!
Sot, më 18 prill 2023, Parlemanti Europian ka votuar për LIBERALIZIMIN e vizave për qytetarët e Republikës së Kosovës.
Ky votim ndodhi pas atij që ndodhi në LIBE më 23 mars 2023, ku u miratua përfundimisht liberalizmi i vizave për qytetarët e Republikës së Kosovës. Më 9 mars 2023, Këshilli i Ministrave të BE-së ka votuar pro liberalizimit të vizave për qytetarët e Republikës së Kosovës.
Parlamenti Evropian miratoi vendimin për liberalizimin e vizave për qytetarët e Kosovës.
Liberalizimi i vizave tashmë është realitet. Ditën e sotme u votua pozitivisht në Parlamentin Evropian dhe vendimi final mbi liberalizimin e vizave. Ai do të nënshkruhet zyrtarisht ditën e nesërme në Strasbourg nga Parlamenti Evropian dhe Këshilli i BE-së, ku do të jetë prezent dhe zëvendëskryeministri i parë për Integrim Evropian, Zhvillim dhe Dialog, Besnik Bislimi.
Vendimi do të publikohet në gazetën zyrtare dhe hyn në fuqi 20 ditë pas publikimit. Sipas këtij vendimi, qytetarët e Republikës së Kosovës do të mund të lëvizin pa viza në zonën Schengen dhe atë jo më vonë se data 1 janar 2024.
Rregullat e reja mbi heqjen e regjimit të vizave për Kosovën do t’i lejojnë qytetarët të udhëtojnë në BE pa viza për një periudhë qëndrimi prej 90 ditësh në çdo periudhë 180 ditore. Kosova i kishte plotësuar të gjitha kushtet për liberalizimin e vizave me kohë, por deri më tani mungonte konsensusi në mesin e vendeve anëtare për avancimin e procesit. Falë punës së Qeverisë sidomos në fushën e sundimit të ligjit, luftës kundër korrupsionit e menaxhimit të migrimit u arrit zhbllokimi i procesit dhe bindja e institucioneve të BE-së dhe vendeve anëtare se Kosova meriton përfundimin e procesit të liberalizimit të vizave dhe se vendi ka bërë progres e arritje të rëndësishme në fushat relevante.
Ky votim ishte hapi përfundimtar në procedurën për liberalizimin e vizave. Qytetarët e Kosovës do të lejohen të udhëtojnë në Zonën Shengen, pa viza, për periudhën deri ne 90 ditë në çdo periudhë 180 ditore, pasi të jetë vendosur Sistemi Evropian i Informacionit dhe Autorizimit të Udhëtimit (ETIAS), në çdo rast, jo më larg se deri në janar 2024.
Padrejtësia ndër vite që ka rënduar qytetarët e Kosovës në kufizimin e lirisë së lëvizjes, i erdhi fundi. Me votimin e Parlamentit Evropian pro liberalizimit të vizave për Kosovën po bëhet një hap shumë i rëndësishëm i përafrimit të Kosovës me familjen e madhe evropiane.
