By 
Winnipeg – Manitoba
Në Winnipeg të Manitobës hapet për herë të parë shkolla shqipe. Shoqata e Komunitetit Shqiptaro-Kanadez (Albanian-Canadian Community of Manitoba) dhe bashkëatdhetarët në Manitoba i japin jetë një ëndrre të kahershme për brezat e rinj. Me dëshirën për të ruajtur traditat shqiptare dhe sidomos gjuhën shqipe, kryetarja e shoqatës shqiptare në Manitoba, Kozeta Miliku mbajti fjalën e premtuar për ngritjen e saj. Ashtu siç patë thënë gjatë një interviste për Në Winnipeg të Manitobës hapet për herë të parë shkolla shqipe. Shoqata e Komunitetit Shqiptaro-Kanadez (Albanian-Canadian Community of Manitoba) dhe bashkëatdhetarët në Manitoba i japin jetë një ëndrre të kahershme për brezat e rinj. Me dëshirën për të ruajtur traditat shqiptare dhe sidomos gjuhën shqipe, kryetarja e shoqatës shqiptare në Manitoba, Kozeta Miliku mbajti fjalën e premtuar për ngritjen e saj. Ashtu siç patë thënë gjatë një interviste për Albanian Montreal Press vitin e kaluar, suksesi i objektivit të saj do të ishte shkolla shqipe.
Prej 30 nëntorit, tanimë çdo fëmijë shqiptar do të marë mësime të gjuhës shqipe pranë ambjenteve të Canadian Mennonite University, çdo të shtunë në orën 10.
22 fëmijë shqiptarë kanë paraqitur interes vetëm ditën e parë, ditën e promovimit të shkollës shqipe ndërkohë pritet që numri të jetë në rritje në të shtunat në vazhdim. Janë tre mësuese të cilat do të zhvillojnë orët edukative me iniciativë vullnetare. Çdo të shtunë fëmijët do takohen me mësueset Barije Troni, Arsena Gjipali, Milikje Kuka si dhe vullnetarët Denada Cerriku, Edita Tolaj, Agnesa Gashi.
Ceremonisë së hapjes së shkollës shqipe iu bashkua gjithashtu edhe ambasadori shqiptar z. Ermal Muça i cili pajisi fëmijët me abetare të unifikuar si për programin arsimor fillor në Shqipëri ashtu edhe ajo i Kosovës.
Takimi u nderua edhe me pjesëmarrjen e Adriana Bejko (Ambasadore Kombi, anëtare e Këshillit Koordinativ të Diasporës) e cila ndau me të pranishmit shmebuj nga shkolla shqipe në Calgary “Foleja e shqiponjave”. Si mësuese dhe si profesioniste në fushën e arsimit, ajo trajnoi mësuesit e shkollës shqipe të Winnipeg, teknika të reja në mësimin e gjuhës. Një mënyrë kjo edhe për të fituar zemrat e fëmijëve si dhe të rriturve.
Shoqata e Komunitetit Shqiptaro-Kanadez dhe bashkëatdhetarët në Manitoba, ashtu si mbarë diaspora shqiptare në Kanada, janë të angazhuar për të kontribuar në tejkalimin e situatës dhe dëmeve të krijuara nga tërmeti i 26 nëntorit në Shqipëri.
