By Si sot 80 vjet më parë vdiq poeti kombëtar, at Gjergj Fishta.
Fishta u lind në fshatin Fishtë të Zadrimës në vitin 1871. Pas dekadës së dytë të shek. XX, Fishta iu imponua kulturës shqiptare jo vetëm si shkrimtar (poet, dramaturg, prozator etj.), por edhe si kritik, historian i letërsisë dhe estet.
Për gjysmë shekulli ishte figura mbizotëruese e letërsisë shqipe. Në fund të vitit 1944, me ardhjen e komunistëve në pushtet, vepra e tij u ndalua. Nisi kështu një fushatë denigruese dhe fyese kundër figurës së tij dhe aktivitetit që ai kishte zhvilluar, duke e cilësuar si “fanatik të tërbuar, idealizues i çdo gjëje patriarkale, apologjet i fesë, i institucioneve mesjetare, hymnizues i primitivizmit, armik i egër i çdo përparimi”.
Me ndërrimin e sistemit qeverisës kryeveprat e tij “Lahuta e Malcis”, “Gomari i Babatasit”, “Mrizi i Zânavet” etj. u lejuan të botoheshin dhe të studioheshin në shkolla dhe universitete.
