By Siç i është bërë traditë prej shumë vitesh, Deputeti i Durrësit Jurgis Çyrbja edhe fundjavat i kalon me njerëzit e thjeshtë. Pas takimeve të shumta në Shkafane, ku ketë fundjavë takoi banorë sipërmarrës e njerëz të punës, ai u ndal edhe në Draç ku u takua me Latif Dodën, kryetarin e Shoqatës së Peshkimit “Rodoni” për të diskutuar mbi sektorin e peshkimit e në veçanti për projektin e ndërtimit të molit të ri të peshkimit.
“Peshkimi në këtë zonë ka qënë tradicionalisht një zanat i trashëguar ndër breza. Ndaj dhe me ndërtimin e molit të ri të peshkimit, puna e peshkatarëve do të lehtësohet ndjeshëm duke rritur gjithashtu dhe prodhimin vendas,” shprehet Çyrbja.
Zona e Ishmit është shndërruar në një zonë tejet e frekuentuar nga turistët e huaj e vendas. Terreni i mrekullueshëm, me një ndërthurje kodrinore e bregdetare, shtuar vlerat e rralla historike e kulturore, falë investimeve të shumta nga qeveria në infrastrukturë, e kanë bërë këtë zonë tërheqëse për vizitorët.
“E gjithë zona e Ishmit është një thesar natyror, historik e kulturor e që do zhvillohet gjithnjë e më shumë” shprehet Deputeti Çyrbja, “e me molin e ri të peshkimit do forcohet ekonomia e zonës e do përfitojë i gjithë komuniteti. Kjo zonë plot vlera meriton më të mirën ndaj edhe po punohet që të zhvillohet sa më shumë.”
Ishmi është zona me relievin më të bukur në Qarkun e Durrësit dhe e mbushur me thesare historike e turistike. Kodrat e gjelbëruara të gjithë zonës përmbajnë një florë dhe faunë mjaft të pasur. Në të ndodhen një numër objektesh historike të një rëndësie të veçantë si Kalaja dhe Basilika e Gjuriçaj, Kepi i Rodonit, Gjiri i Lalzit, etj. Një zonë që duhet vizituar sa më shumë.
