By Yorkville-Ontario
Një shqiptare në Kanada që prodhon maska mbrojtëse
Prej 10 vitesh e vendosur në Kanada, Tatjana Kaci-Sherifaj tashmë i përgjigjet biznesin e saj duke ngritur gjithmonë e më shumë klientelën e saj, e cila dominon më së shumti kanadeze. Mjaft e njohur në rrugicën e Davenport në Yorkville, “Tailoring Repairs and Alterations” ka veshur ëndrrat e shumë vajzave të reja me fustane nusërie, por jo vetëm. Në mjaft bashkëpunime edhe me kompani prestigjoze kanadeze ajo ka realizuar veshje të natyrave të ndryshme.
Kanadaja është emigrimi i saj i dytë, ndërkohë që Tatjana ka një eksperiencë jete e pune në Greqi prej 20 vitesh të tjera. Me një të kaluar të shkëlqyer në fushën e biznesit, e fokusuar më tepër me realizimin e veshjeve dhe industrinë e modës, Sherifaj vendos ta provojë edhe një herë fatin në perëndimin e largët.
Shumë e përkushtuar në punën që tashmë është pasioni i jetës së saj, Tatjana na tregon se edhe në këto ditë të vështira që po kalojmë, puna ka nevojë për të. Me anë një të një lidhje telefonike me Albanian Montreal Press, ajo na tregon se puna ka zënë një vend mjaft të rëndësishëm në jetën e saj, ndaj është mjaft e zakonshme për të që çdokush mund ta gjejë brenda ambjenteve të dyqanit të saj. Miqësi me një pjesë selektive nga komuniteti shqiptar i vendosur në Ontario, ajo tërheq vëmendjen se mbase është më mirë të jemi në mbështetje me njëri-tjetrin dhe më me unitet.
E për t’iu përgjigjur aktualitetit, sot kur edhe gjithë bota po kalon një periudhë të pazakontë, të gjithë jemi të detyruar të respektojmë masat të përcaktuara nga qeveria. Në një kohë kur është e detyruar respektimi në maksimum i higjenës, mbajtja e dorezave dhe e maskave, u pa e arsyeshme që edhe maskat “hand-made” të ishin në konsideratë. Kështu, Tatjana vendosi ta kthejë në trend modelet që ajo ofroi duke prodhuar një seri maskash. Kjo maskë ndihmon mbrojtjen e fytyrës nga prekja e spërklave, është shumëpërdorimshe, higjenizohet dhe është përsëri e gatshme për përdorim.
Lidhur me prodhimin e maskës, shqiptarja me banim në Kanada u shpreh se tashmë kompania e saj synon të prodhojë shumë të tilla, për t’ju ardhur në ndihmë punonjësve të shëndetësisë dhe qytetarëve kanadezë e shqiptarë gjithashtu. Maskat janë100% pambuk me tre shtresa (dy pambuk dhe një filtër)
Për të gjithë të interesuarit, Tatjana Sherifaj ju mirëpret në adresën e saj 221 Davenport Road, M5R 1J3, Toronto, Ontario.
Bisedoi: Blerina Ruka
