KANADA/ Vidhen shufra ari me vlerë mbi 22 mln dollarë në aeroportin e Torontos

Një grabitje si në filma ka ndodhur në aeroportin Pearson në Toronto të Kanadasë. Mediat raportojnë se janë vjedhur shufra ari dhe sende të tjera me vlerë mbi 22 milionë dollarë. Ngarkesa e çmuar u mor nga një kargo e cila ndodhej në një zonë të mbrojtur të aeroportit.
 Policia ka hapur një hetim.
“Është një ngjarje shumë e veçantë”, thonë hetuesit që po hetojnë rastin dhe të cilët tashmë kanë në dorë emrat e të dyshuarve të mundshëm.
Sipas gazetës kanadeze Toronto Sun, policia po synon një bandë lokale dhe një grup kriminelësh që veprojnë në të gjithë rajonin.
Nuk është hera e parë që një ngarkesë kaq e çmuar vidhet nga një zonë aeroporti.
Gjithashtu sipas The Sun, në vitin 1983 ari dhe diamante me vlerë rreth 26 milionë paund u vodhën nga një magazinë pranë aeroportit Heathrow të Londrës.