By Sindikata e mësuesve paralajmëron se përshkallëzimi i grevës së filluar ditën e enjte e mbi 65,000 arsimtarëve në Quebec, nëse nuk arrihet një marrëveshje mund të vazhdojnë deri për Krishtlindje.
“Mësuesit janë gati të bëjnë një rrugë të gjatë nëse nuk arrijmë një marrëveshje tani,” tha nënkryetari i marrëdhënieve të punës FAE (Fédération autonome de l’enseignement) Benoit Giguere. “Ne do të vazhdojmë të ushtrojmë presion dhe do të jemi të disponueshëm”.
Giguere tha se nuk është një zgjedhje e lehtë për mësuesit dhe se ata “do të donin të ishin nesër në punë”. Ai tha se e kupton që prindërit janë të shqetësuar, por se një marrëveshje e duhur është e nevojshme.
“Ne duam një marrëveshje kolektive për kushte më të mira pune dhe kushte më të mira mësimi për studentët”, tha ai.
FAE nisi një grevë të përgjithshme të pakufizuar ditën e enjte.
Giguere tha se do të ketë negociata të mëtejshme këtë javë me qeverinë dhe se në përgjithësi, disktumet kanë qenë të frytshëm.
Giguere iu përgjigj komenteve të Kryeministrit Francois Legault këtë javë se ai është i gatshëm të rrisë ofertën e qeverisë dhe se sindikatat duhet të jenë më “fleksibile”.
Ministria e Arsimit e Quebec shprehet se nuk do të komentonte negociatat aktuale.
Kërkesa më e madhe për mësuesit është përbërja e klasave, duke përfshirë madhësinë e klasave, numrat e koduar të studentëve dhe numrin e atyre pa njohuri të mjaftueshme në gjuhën frënge.
“Kjo është një ngarkesë e madhe për mësuesit që të mund t’u japin mësim të gjithë nxënësve, jo vetëm atyre që kanë vështirësi,” tha Giguere.
FAE planifikon të mblidhet para Radio-Kanada në Montreal të dielën mbrëma në orën 18:00, kur kryetarja e Bordit të Thesarit Sonia LeBel ka planifikuar të flasë në programin Tout le Monde en Parle. / ctvnews.ca
