By Dy zëvendës ministra në kabinetin Rama 3, pritet të largohen nga detyrat që mbajnë për t’u përfshirë në diplomaci. Artemis Malo, aktualisht Zëvendës Ministre e Punëve të Jashtme, ka marrë aprovimin e kryeministrit Edi Rama për të shkuar ambasadore e Shqipërisë në Kanada.
Artemis Malo mban titullin Doktore në Gjuhësinë Krahasuese, Eksperte e Lingustikës, ka kryer studimet pasuniversitare Master në Përkthim Gjuhësor, është vlerësuar me titullin Docent në fushën akademike, Diplomuar në Filologji Angleze dhe Civilizim, specializuar në profilin e gjuhëve të huaja, e më pas Diplomuar në Fakultetin e Drejtësisë, Universiteti i Tiranës, specializuar në të drejtën publike.
Ka shërbyer në pozicionin e Zëvendës-Ministres në Ministrinë për Evropën dhe Punët e Jashtme në periudhën 2017-2019, e më pas si Deputete në Parlamentin e Republikës së Shqipërisë,si përfaqësuese e Qarkut të Gjirokastrës, ku ka qenë anëtare e Komisionit për Sigurinë Kombëtare, Komisionit për Integrimin Europian, Komisionit të Ekonomisë, si edhe Komisionit për Çështjet Ligjore, Administratën Publike dhe të Drejtat e Njeriut.
Përpara detyrës së ngarkuar në vitin 2017, ka qenë angazhuar si lektore prej 14 vitesh në disa universitete brenda dhe jashtë vendit, si edhe në angazhime të ndryshme në përfshirjen dhe aktivizimin e brezit të ri në fushat sociale, por edhe në mbrojtje të të drejtave të minoriteteve, apo rolit të gruas, zhdukjes së diskriminit racial apo gjinor.
Malo është autore e disa botimeve për çështje që lidhen me gjuhën, krahasimin gjuhësor, pakicat kombëtare, politikat mbi rregulloren e përdorimit të saktë të shqipes standarte, format e pashtjelluara të krahasuara, përshtatjet përkthimore, rolin e gruas dhe barazisë gjinore, etj, në revista shkencore brenda dhe jashtë vendit.
