By I ftuar në emisionin A Show në SYRI TV me moderatorin Adi Krasta ishte politiologu në SHBA dhe anëtari i kryesisë së Diasporës për Shqipërinë e Lirë, Medlir Mema dhe konstitucionalist dhe projektuesi kryesor I ligjit për diasporën, Klodian Rado.
Mema është shprehur se sot është realitet vota e emigrantëve dhe nëse nuk do të realizohet në zgjedhjet e ardhshme ato do të jenë të paligjshme dhe anti kushtetuese.
“Jemi para një fakti dhe realiteti, shqiptarët që jetojnë jashtë Shqipërisë kanë të drejtën për të votuar aty ku janë regjistruar dhe aty ku po jetojnë dhe kjo është çështje kohe sepse ky është realitet dhe kjo çështje politike do të zgjidhet pasi çdo lloj zgjedhjesh në të ardhmen do të jenë të paligjshme dhe antikushtetuese.
Fakti është si BE, OSBE, SHBA kanë reaguar pas kalimit të afat kohor dhe nuk është mm çështja nëse por kur sepse çdo lloj zgjedhjesh që do të mbahen në Shqipëri do të jenë të paligjshme.”
Klodian Rado ka sjellë në vëmendje vendimin e Gjykatës Kushtetuese ku urdhëronte në janar të viti 2023 parlamentin që të plotësonte të gjitha vakancat ligjore dhe shqiptarët që jetojnë në emigrim të kenë mundësi të votojnë.
“Ajo që unë do të doja të thashë është se Diaspora për Shqipërinë e Lirë e ka kryer misionin e saj dhe u bë e mundur që të nëpërmjet Gjykatës Kushtetuese për të kërkuar të drejtën e gati 1.7 milionë Shqiptarëve që të votojnë kudo ku janë dhe jetojnë.
Kjo e drejtë është kudo në vendet e rajonit dhe vendet e botës së lirë, dhe kjo u arrit pasi në datën 12 janar të 2023 hyri në fuqi vendimi i GJK ku urdhëron kuvendin e Shqipërisë në 365 ditë ku të shtohen, plotësohet dhe ndrysho kodin zgjedhor ku diaspora të ketë të drejtë të votojë.
Parlamenti nuk ka respektuar vendimin e GJK dhe sot jemi në datën 16 janar disa ditë pas afatit kohor të vendosur nga kjo gjykatë dhe kemi një boshllëk ligjor.”/ SYRI.TV/
