By 
Mary Deros sapo ka festuar suksesin e saj në politikë, plot 20 vite karrierë në Bashkinë e Montrealit si këshilltare për distriktin e Parc-Extension.
Përfshirja e saj daton prej vitit 1998 kur ajo do të vinte kandidaturën për herë të parë pikërisht në këtë zonë duke i besuar asaj edhe për 20 vite të tjera. Ajo shërben pranë Bashkisë së Montrealit duke qenë përgjegjëse në sektorin e kulturës, më pas ajo do të bëhej anëtare e Komitetit Ekzekutiv nën administrimin e Pierre Bourqe dhe Gerald Tremblay.
Ajo aderoi në « Vision Monteal » përpara se të kandidonte si Këshilltare e Pavarur deri në vitin 2012. Në vitin 2013 e deri në 2017 ajo do t’i bashkohej ekipit të Denis Coderre.
Ajo rrëfen për Albanian Montreal Press se dera e saj është e hapur për çdo qytetar të Montrealit, i cilitdoqoftë komunitet. Ajo thotë se askush nuk largohet pa marrë një orientim për shqetësimin e tij\saj.
Deros është shumë e ndjeshme edhe ndaj çështjes së ambjentalizmit. Ajo tregon se çdo qytetar i Montrealit, por jo vetëm, siç ka të drejta ka edhe përgjegjësi. Ajo ngre zërin për respektimin e rregullave të qytetit, ruajtjen e ambjentit, respektimin e shoqërisë apo edhe kontributin vullnetar. Madje ajo thekson mbështetjen e herëpashershme që jep ndaj komunitetit të saj ku jo pak shqiptarë janë pjesë e punës vullnetare. Ajo e etiketon komunitetin tonë si të vullnetshëm në punës, të respektuar dhe të mirëintegruar në jetën e Kanadasë.
Ajo tregon gjithashtu vështirësitë e një gruaje për të ruajtur poste politike. Sesa e vështirë është përballë një shoqërie që është mësuar të drejtohet vetëm nga meshkuj. Se cila janë sfidat e të bindurit të një mase nga një grua, të sfidojë figurën e burrit në politikë edhe më gjerë. Të bindë shoqërinë që edhe gruaja ka forcë vendimi, mendimi e drejtimi.
Vetëm pak ditë më parë, Mary Deros kurorëzoi 20 vitet e karrierës në politikën e Quebec-ut. Në të gjitha urimet për suksesin e saj, nuk mund të mungonte kurrsesi edhe kryeministri i Kanadasë, Justin Trudeau. Gjatë komunikimit në zyrën e Deros, ajo na rrëfen se në fillimet e kandidimit të saj, përballja e saj e parë ka qenë me kryeministrit aktual, atëherë ambicioz për për shkallë të sigurta në politikë.
Kur e pyesim për mbarëvajtjen e punëve në Bashkinë e Montrealit, Deros tregon se e vetmja ngjarje është rrëmbimi i postit të kryetarit të Bashkisë nga një grua, ndërsa pjesa tjetër lë shumë për të dëshiruar. Duke theksur se qasja e saj politike është sot në opozitë, Deros shprehet se është e pakënaqur nga projekti i Valeri Plante. Për të, “Projet MTL” është me rezerva të mëdha në realizimin e objektivave të saj, dhe për këtë do jetë koha që do ta tregojë.
Vetëm një shikim të thjeshtë në zyrën e saj, janë të dukshme të renditura në mur certifikatat, nderimet dhe ccmimet ndër vite. Është mjaft e dukshme suksesi i saj i cili lexohet edhe nga vlerësimet që ajo ka marë nga komunitete të ndryshme.
Ajo është nënë e dy fëmijeve (një djali e një vajze) dhe një gjyshe e lumtur e një nipi.
