By Një natë e mbushur me emocion, energji, valle tradicionale dhe shumë dashuri shqiptare solli grupi Albos në zemër të Montreal, duke bashkuar komunitetin shqiptar në një atmosferë festive dhe plot krenari kombëtare.
Me performanca artistike, muzikë dhe valle që përcollën traditën dhe kulturën shqiptare, mbrëmja u kthye në një festë të vërtetë për të gjithë të pranishmit, të cilët e mbështetën grupin me shumë dashuri dhe entuziazëm.
“Faleminderit të gjithëve që ishit me ne dhe e bëtë këtë mbrëmje kaq të veçantë. Mbështetja dhe dashuria që i jepni grupit Albos është motivimi ynë më i madh,” – ishte mesazhi i përcjellë nga grupi pas aktivitetit.
Komuniteti shqiptar në Montreal vazhdon të dëshmojë edhe një herë forcën e bashkimit dhe ruajtjes së traditave shqiptare përmes aktiviteteve kulturore dhe artistike që sjellin pranë njëri-tjetrit shqiptarët në Kanada.
