By Në një shfaqje shumë të rrallë, dritat e Veriut u panë mbrëmë në Europë duke u cilësuar si një nga momentet më magjike Një aurora formohet nga një shpërthim diellor, duke dërguar grimca të ngarkuara drejt Tokës të cilat ndërveprojnë me atmosferën tonë. Grimcat ndërveprojnë me oksigjenin dhe azotin të cilët më pas lëshojnë ngjyra jeshile dhe të kuqe mbi polet tona.
Një pamje e ngjashme u vu re edhe në qytetin e Lozanës dhe rajonin Jura në Zvicër. Fenomeni, i njohur gjithashtu si “Aurora Borealis”, shihet shpesh në vende si Islanda dhe Norvegjia por këtë herë ky fenomen ndodhi edhe në vende të tjera si në Gjermani, në Florida, Uinskoin dhe Tenesi të Shteteve të Bashkuara të Amerikës.
Por nga çfarë shkaktohet ky spektakël dritash që ka mahnitur me mijëvjeçare njerëzimin.
Shpërthimet e ndritshme në diell janë të lidhura drejtpërdrejt me këto drita që shohim në qiellin e natës. Për shkak se dielli është 150 milionë km larg, shpërthimi që ndodh në diell mund të marrë disa ditë për të arritur në atmosferën tonë. Fusha magnetike dhe atmosfera e planetit tonë reagojnë nga ky fenomen.
Sipas Observatorit “Greenwich”, gazra të ndryshëm të atmosferës japin efekte të ndryshme. E gjelbra tregon grimcat diellore që ndërveprojnë me oksigjenin, ndërsa nuancat vjollcë, blu ose rozë shkaktohen nga azoti.
