By E papreçedentë për Demokracinë Shqiptare por dhe për dëgjesat konsultuese me grupet e interesit në kuadër të proçesit legjislativ. Komisioni i Reformës Zgjedhore mblidhet në mënyrë online, fton një seri organizatash të shoqërisë civile, me të cilat diskuton në detaj elemente të reformës zgjedhore por dhe vendimin e Gjykatës Kushtetuese për Votën e Diasporës, por përjashton nga dëgjesa konsultuese palën fituese në Gjykatën Kushtetuese si dhe grupin kryesor të interesit të prekur nga mos-realizimi i kësaj të drejtë Kushtetuese.
Përfaqësuesit e lëvizjes Diaspora për Shqipërinë e Lirë u informuan nga përfaqësuesit e organizatave të tjera pjesmarrëse në këtë takim, për habinë e të cilëve ne si palë fituese dhe grup interesi nuk ishim të ftuar.
Kuvendi i Shqipërisë në tejkalim të afatit të parashikuar nga vendimi i Gjykatës Kushtetuese me tashmë 28 ditë, ka hyrë në fazën e rrezikshme të mos-njohjes dhe mosrespektimi të institucionit më të lartë juridik.
Më datë 11 Dhjetor 2023 Diaspora për Shqipërinë e Lirë ka depozituar me ndihmën e disa deputetëve të Opozitës, si Fatmir Mediu, Gazment Bardhi, Jorida Tabaku, Agron Duka, Agron Gjekmarkaj, Emilia Koliqi dhe Dhurata Çupi Tyli në komisionin e posaçëm të reformës zgjedhore dhe në komisionin e ligjeve draftin e projektligjit për përmbushjen e boshllëkut ligjor të konstatuar nga Gjykata Kushtetuese bashkë me një relacion shoqërues, i cili presupozohet ti jetë vënë në dispozicion anëtarëve të komisioneve përkatëse dhe këta të jenë në dijeni
Në sa pak kohë ne patëm mundësi të jemi dëgjues në fund të seancës dëgjimore, ku nuk na u dha mundësia e fjalës apo komentit, kuptuam se z. Gjiknuri është ende në fazën e vënies në pikëpyetje të vendimit të Gjykatës Kushtetuese dhe diskutimit në ajër pa iu referuar konkretisht relacionit dhe projektligjit te depozituar.
Ne patëm një premtim nga znj. Lindita Nikolla për informimin dhe ftesën ndaj nesh si grup interesi, në momentin e parë kur komisioni ad-hoc do të mblidhej. Ky premtim i është komunikuar gjithashtu dhe individëve pranë Këshilli Koordinues i Diasporës si Anila Hyka apo Brikena Muharremi apo dhe organizatës GERMIN. Ndërkohë që të gjitha këto bashkë me ne, anashkalohen plotësisht në këtë dëgjesë konsultuese.
Mirëpresim sugjerimin për organizimin e një takimi të veçantë me përfaqësuesit e Diasporës, por Diaspora për Shqipërinë e Lirë ashtu si organizatat e tjera të përfshira në këtë proçes, janë pjesë e pandarë e shoqërisë civile dhe duhet të konsiderohen të barabarta në të gjitha dëgjesat publike në funksion të demokracisë.
Mjaft me injorimin e Diasporës dhe pohimet deklarative!
#diasporalëviz
#ReformaZgjedhore
#gjykatakushtetuese
#votaediasporës
#votaeemigrantëve
