By Montreal-Quebec
Quebec është në prag të zgjedhjeve lokale të cilat pritet të përmbushen më 7 nëntor 2021. Duke qenë nja fushatë e hapur, emrat dhe posterat e kandidatëve për kryetarë komunash e bashkish si dhe të këshillatëve, kanë disa ditë të afishuara në të gjithë provincën. Nuk mund të kalonte pa vëmendje dy emrat shqiptarë Kadri Sherifi dhe Anila Erindi. Për komunitetin shqiptar të vendosur në metropolin e Quebec, në Montreal, të dy emrat nuk janë të të panjohur. Nëse Sherifi njihet pë rpunën e tij si përkthyer dhe interpretues i gjuhës frënge, inxhinierja Erindi ka bashkëpunuar për jetën kulturore, sociale dhe mjaft të tjera në komunitet.
Kadri Sherifi i emigruar në Kanada pothuaj 30 vite më parë, ka kryer studimet universitare në fushën e edukimit dhe trajnimit të të rriturve. Ai prej 20 vitesh punon si funksionar i administratës provinciale për emigracionin por pa lënë pas mësimdhënien në programin e shitblerjes së pasurive të paluejtshme rezidenciale në kolegjet më të mira të Montreali, Collège Canada dhe Cégep André-Laurendeau.
Sherifi është autor i botimit “Përkthyesi: komunikues apo transmetues, një udhërrëfyes praktik për përkthimin”, Éditions Nouvelles, Montreal, 1999) e cila gjendet lehtësisht edhe në Bibliotekën e madhe të Montreali. Ky botim erdhi si nevojë kur shteti kanadez hapi dyert gjatë ardhjes se refugjatëve kosovarë në eksodin e vitit 1999.
Në një bisede telefonike me Albanian Montreal Press, Kadri Sherifi na tregon më tepër për kandidimin e tij si këshilltar pranë distriktit Anjou.
Na tregoni pak eksperiencën tuaj si kandidat në zgjedhjet lokale në Quebec, pse kjo zgjedhje?
Për mua është hera e parë që jam kandidat i distriktit Anjou. Është një sfidë interesante, ndonjëherë duket si sport ekstrem por i përballueshëm, është fushatë në terren, duhet të shpërndash të gjitha fletushkat nëpër shtëpitë e lagjes, duhen takuar banorët e zonës përkatëse, duhet të jesh në brendësi se cilat janë kërkesat apo ankesat e tyre. Me raste duket se ndonjëherë nuk janë gjëra të qeta, por është puna jonë t ‘u ofrojmë shërbime. Kettly Beauregard udhëheq siglën e Projet Montreal për zonën e Anjou, takimet me të cilën janë të përditshme në këtë periudhë. Duhet bërë me dije se në të gjithë historinë e Montrealit, Beauregard është gruaja e parë e emëruar si drejtoreshë e shërbimit policor të këtij qyteti. Bashkëpunimi me të më jep eksperiencë të pasur.
Kandidimi im në këto zgjedhje lokale nuk është rastësore, e gjithë eksperienca ime e mëparshme lidhur me projektet e ndryshme me komunën siç është një trajnim në lidhje me përkthimin gojor i cili më vonë u botua si libër mbi teknikat e përkthimit me titull « L’Interprète : communicateur ou transmetteur » (Interpreti : komunikues apo transmetues) i cili gjendet edhe në Bibliotekën e Madhe te Montrealit.
Cili ështe projekti juaj konkret, sfidat në veçanti?
Zonën të cilën e përfaqësoj, Anjou, ka një shkëputje financiarisht nga Bashkia e Montrealit. Nëse do të flisnim për shifra konkrete, distrikti i Anjou menaxhon një fond prej 18 milionë dollarësh. Ndërsa Bashkia e Montralit ka një fond prej 6 miliardë dollarësh. Praktikisht si individ por edhe si kandidat, do të preferoja të hiqja kufirin mes të dyjave sepse mendoj se kjo mbyllje nuk i shërben zonës.
Projet Monteral është sigla që sjell kryetarja e bashkisë aktuale në Montreal, Valérie Plante dhe bashkëpunimi me të është i mirë. Sigurisht bëhet fjalë për një fushtë në terren, ku ka edhe surpriza, ka takime me banorë dhe prezantim të planeve sociale.
Cila është përkrahja që ju ndjeni derimë tani nga komuniteti shqiptar dhe çfarë prisni më konkretisht prej tyre?
Distrikti i Anjou nuk është zonë e populluar nga komuniteti shqiptar. Në fakt, një marrëdhënie me ta, për momentin është vetëm profesionale. Historiku i karrierës simë është i ldhur edhe me përkthime të natyrave të ndryshme në raport me shqetësimet apo nevojat e komunitetit. Ndjej se kam një mbështetje motivuese, shumë positive. Rrjetet sociale gjithashtu përhapin po aq kollaj edhe fjalën, edhe mbështetjen dhe ndihem komod për këto e arsye të tjera.
Sipas jush, cilat janë pritshmëritë dhe çfarë parashikoni në të dyja rastet?
7 nëntori është data e finalizimit të kësaj fushate. Personalisht mendoj se kam mësuar mjaft të reja, nisur që nga historiku i qytetit, strukturat politike, zbritja në terren, njohja me programe konkrete polike e të tjera, mendoj se sido të jetë zgjedhja, ka qenë një eksperiencë e bukur.
Kam përballë një grua e cila kandidon për krahun tjetër politik, por jemi në rrethana qytetare ku konkurenti sigurisht nuk shihet si armik, përkundrazi do ti jap dorën në rast fitoreje. Gjatë zgjedhjeve opozita politike është partnere e debatit demokratik ndërsa pas zgjedhjeve është bashkëpunëtore profesionale.
Sigurisht që do ta admiroja fitoren, por mendoj se në këtë mes nuk humb askush.
Bisedoi: Blerina Ruka
