INTERVISTA/ Marin Nati, avokati shqiptar në Toronto

INTERVISTA/ Marin Nati, avokati shqiptar në Toronto

Toronto- Kanada
Mesa duket Toronto mbetet një nga arenat më e përshtatshme për të arritur suksese, por për këtë është e sigurtë që ka një rrugëtimin jo fort të kollajtë. Marin Nati është një tjetër emër në komunitetin shqiptar i cili me një vullnet të fortë, me një studim të gjatë dhe të përkushtuar, sot është një nga avokatët më të suksesshëm në Ontario.
I arsimuar pranë York University për shkenca shoqërore në Ontario si dhe i diplomuar për drejtësi në Universitetin Leicestër të Britanisë së Madhe, ai tashmë drejton një studio ligjore në Toronto. Nati është anëtar i Dhomës së Avokatëve të Ontario-s, i liçensuar për të praktikuar si avokat në provincën e Ontarios dhe pranë çdo gjykate Federale.

Marin Nati dhe Mary -Christine Caborubias

Na tregoni pak për veten, fillimet e integrimit, arsmimin dhe përzgjedhjen e profesionit.
Prej tetorit të 2006 kam emigruar në Kanada, por jam i lindur e rritur në Tiranë. Mendoj se ka qenë një emigrim i mirëmenduar dhe pjesën dërrmuese të rritjes sime e kam kaluar këtu. Arsimimin universitar e kam marrë fillimisht në York University për Shkenca Shoqërore dhe më pas në Angli pranë Universitetit të Leicester për studimet juridike, ku prej dy vitesh kam jetuar atje dhe gjithashtu nëpër Europë i mirëintegruar me trajnime të ndryshme profesonale. Më pas jam rikthyer në Kanada për t’i vënë vulën profesioni me licensën e avokatisë të cilën e kam fituar prej vitit 2018.  Kam qenë gjimnazist por ka qenë shumë i kollajshëm ambjentimi dhe nuk e kam ndjerë ndonjëherë veten emigrant (duke qenë se një pjesë e konsiderueshme janë të tillë), apo jashtë loje, aspak i mënjanuar nga shoqëria e cila nuk më ka penguar absolutisht. Mbërritja në Kanada ka qenë një dëshirë e familjes dhe mendoj se kemi bërë më të mirën, jemi të lumtur, kam krijuar jetën dhe karrierën time edhe pse bota në atë kohë ishte ndryshe.
Pothuaj gjatë rrugëtimit arsimor, edhe kur isha nxënës në Shqipëri, mamaja dhe gjyshja ime kanë qenë shtysa e njohjes me profesionin. Prej kur fillova të marrë klasa lidhur me avokatinë, e preferova nga fillimi dhe kështu që mendoj se ka qenë një zgjedhje e zgjuar.

A mund të flisni pak më konkretisht për arritjet profesionale dhe punën aktuale.
Do të preferoja ta nisja që në fillimet e mia, kur bëja stazhin e detyruar pranë një klinike Legal Aid Ontario, African Canadian Legal Clinic, e cila operonte për një komunitet të caktuar. Dy kanë qenë ҁështjet  ku u përfshiva të cilat janë ҁuar deri në Gjykatën e Lartë të Kanadasë, dhe kam patur fatin të jap kontributin tim, gjithashtu kam vërtetuar edhe besimin tim, theksoj se në atë kohë kam qenë student. Për ata që investojnë e kontribuojnë në fushën e drejtësisë, kuptohet rëndësia e trajtimit të një ҁështjeje pranë Gjykatës së Lartë. Nuk do të lija pa përmendur hapjen e zyës sime të avokatisë, e cila sigurisht që kërkon impenjim të madh, por që më le një shije se ndihem i përmbushur në karrierën time që të ushtroj të drejtën penale.

Ju keni qenë pjesë e një draft-ligji (Vota e Diasporës), madje edhe me modele procedurash në zbërthim të këtij projektligji. Si u gjendët në këtë projekt? 
Ka qenë një projekt për të cilin morëm një ftesë nga Këshilli Koordinativ i Diasporës, gjithashtu edhe nga Ministria e Diasporës, e cila tashmë ka pushuar se egzistuari. Kam përfaqësuar si vullnetar Shoqatën e avokatëve shqiptaro-kanadez, por rrezja jonë ka qenë  ligjore duke prezantuar modele të ndryshme votimi. Kemi sjellë si hipotezë edhe modelin kanadez të votimit me postë të cilën më së miri e ka aplikuar Kosova.

Cilat janë shërbimet që ofron studioja juaj ligjore?           
Studioja ligjore quhet NATI-CABORUBIAS, dhe ushtron të të dretën e saj penale duke iu përgjigjur profileve si akuzat e krimeve të rënda, Real Estate apo edhe me avokati të përgjishme, kur ka mosmarëveshje mes dy palëve apo mes dy bizneseve.

Po marrëdhënia më komunitetin shqiptar, cilat janë pikëtakimet tuaja?
Shoqata është një nga pikat e takimit po jo se kemi ndonjë pikë qendrore, por jemi gjithmonë të hapur për komunitetin. Kuptohet që kemi edhe klientë shqiptarë, por për efekt kohe dhe impenjimi, kam preferuar t’u gjendem nëpërmjet profesionit tim.

Cilat janë marrëdhëniet me vendlindjen?
Sigurisht që në Tiranë kemi edhe familjarë, por besoj se si të githë, prej vitit të fundit se kemi patur të lehtë të udhëtojmë, prej shumë ndryshimesh të detyrueshme të cilat marrin gjithashtu kohë. Ndjek deri diku aktualitetin shqiptar, theksoj si spektator, por jam disi i distancuar dhe jo shumë në brendësi të rrethanave të ngjarjeve atje.

Kanadaja sapo përfundoi zgjedhjet federale, si ishin ato në optikën e një juristi?
Zgjedhjet federale në Kanada ishte një humbje kohë edhe pse u parashtrua si një palë zgjedhje që mund të sillnin një ndryshim por nuk pati. Sipas meje, ishte një testim, pamë ku qendron politikisht vendi jonë por nuk u dha një vend i veҁantë, gjithashtu mendoj se u njoh me një shenjë mosbesimi nga mazhoranca, por me këtë që po përjetojmë nuk ishte koha për zgjedhje kur flasim ende për virus, për izolim dhe raste të prekurish në rritje.

Bisedoi: Blerina Ruka

editor

Related Articles

Leave a Reply

Your email address will not be published. Required fields are marked *