By MONTREAL – QUEBEC
“Është me të vërtetë një tenor që i ka të gjitha mundësitë për të bërë një karrierë të shkëlqyer” – nuk gaboi intuita e një prej legjendave të këngëtarëve lirik, Placido Domingo. Megjithëse i shfaqur pak në mediat shqiptare për shkak të një kalendari të ngarkuar artistik në shtëpitë e operës më të njohura të botës, zëri lirik i shqiptarit po bëhet gjithnjë e më madhështor.
Rame Lahaj është duartrokitur në opera të ndryshme si “La Boheme” në Teatrin Bolshoi, “La Traviata” në Operan e Parisit dhe së fundmi “Rigoletto” vjen këtë muaj në Montreal të Kanadasë.
Tani publiku i Montréalit, sigurisht edhe artdashësit shqiptarë do të kenë rastin të shohin nga afër interpretimin e tenorit shqiptar me famë botërore Ramë Lahaj në rolin e Alfredos në operën e njohur “Traviata” e kompozitorit italian Giuseppe Verdi. Kjo është hera e parë që Lahaj do të performojë në këtë qytet të Kanadasë.
Shfaqja e “Traviatës” për këtë sezon shënohet në kalendarin e sallës më të madhe artistike ëilfried Pelletier (Place des Arts) në datat 4, 7, 9, 12 dhe 14 maj 2024 në zemër të Montrealit. Orkestra Metropolitane dhe Kori i Operas Montreal do drejtohen nga dirigjenti kanadez Jordan De Souza. Në krah të tenorit shqiptar Ramë Lahaj, do të përformojnë artistë të Amerikës së Veriut si sopranoja amerikane Talise Trevigne (Violeta) si dhe baritoni kanadez James ëestman (Zhermoni).
I lindur në Istog të Republikës së Kosovës më 3 nëntor 1983, Rame Lahaj ka filluar karrierën e tij profesionale në skenat ndërkombëtare në vitin 2010 dhe që nga atëherë ka performuar në shumë salla të njohura të operas në të gjithë botën. Ai është një prej artistëve të parë nga Kosova që ka arritur të performojë në skena të rëndësishme ndërkombëtare, duke u përkrahur nga emrat më të mëdhenj të muzikës lirike si Placido Domingo. Ai gjithashtu ka fituar çmimin prestigjioz “Operalia” në Konkursin Botëror të Operas në vitin 2016.
Blerina Ruka\ © AMPRESS.CA
