By Në Paris të Francës do të mbahen Lojërat Verore Olimpike. Në mesin e shteteve pjesëmarrëse është edhe Shqipëria dhe Kosova, e cila do të përfaqësohet me nëntë sportistë: pesë xhudistë, një boksiere, një sportiste në atletik dhe dy notarë.
Ndërsa sa i përket përgatitjeve mësohet se ceremoninë e Lojrave Olimpike në Paris do ta hapë Lady Gaga dhe Celine Dion. Edhe pse asnjë nga artistet nuk e ka konfirmuar, Celion Dion do të rikthet në skenë, ku së bashku me të do të jetë edhe Ledy Gaga.
Të njëjtat informacione thonë se dy artistet do të nderojnë vendin ku zhvillohet eventi më i madh sportiv në botë, me një nga këngët më ikonike franceze në skenën muzikore botërore. Yjet e muzikës do të këndojnë “La Vie en Rose” nga legjendarja Edith Piaf.
56-vjeçarja Dion, u pa duke hyrë në hotelin Royal Monceau në kryeqytetin francez të hënën. Në deklaratat e fundit ajo ka theksuar se dëshiron t’i rikthehet performancave live, por e pyetur për thashethemet se do të këndojë në Olimpiadë, ajo nuk ka dhënë asnjë përgjigje për gazetarët.
Prej më shumë se një muaj kanë nisur përgatitjet ku masa të shumta janë marrë nga qeveria dhe autoritetet franceze ku një prej tyre ishte dhe largimi i të pastrehëve nga rrugët e Parisit dhe dërgimi i tyre në periferi.
Kalendari i Shqipërisë në Lojërat Olimpike
Nga 26 korriku deri më 11 gusht në Paris do zhvillohen Lojërat Olimpike. Shqipëria do të përfaqësohet me 8 sportistë në këtë event të rëndësishëm, teksa do kërkohet medalja e parë e cila do ishte historike për vendin tonë.
Katër janë sportistë të kualifikuar në këtë turne, me shpresën e madhe që është te atletika dhe mundja. Atletja Luiza Gega do të garojë në 3000 m me pengesa, ndërkohë mundësit e stilit të lirë Zelimkhan Abakarov (pesha 57 kg), Islam Dudaev (pesha deri në 65 kg) dhe Chermen Valiev (pesha 74 kg) kanë pritshmëri. Kuqezinjtë nisin aktivitetin më 27 korrik me qitësen Manjola Konini, për të vijuar me datat e tjera. Vëmendja do jetë në datën 4 gusht në orën 10:30 të paradites, kur në pistë do garojë Luiza Gega. Edhe në datat 8,9 dhe 10 gusht kërkohet paraqitje e mirë nga tre mundësit shqiptarë.
