By Ashtu siç ishtë lajmëruar, RH Scholarship me veprimtari tashmë të konfirmuar në Toronto, prezantoi këtë fundjavë për komunitetin shqiptar ”Policë për kokë”, një film nga Aldo Marku, si dhe dokumentarin shqiptar ”Debunking the Myth of Albania”. Me një pjesëmarrje të konsideruar, aktiviteti filmik zgjoi interes pranë publikut shqiptar duke i bërë bashkë pranë Town Hall në qendër të metropolit të Ontarios.
Filmi ”Policë për kokë”, një film nga Aldo Marku
Me një kast të përzgjedhur aktorësh si Bujar Asqeriu, (Qejfliu), Olsi Bylyku (Xhino Pasmaçiu, Polic Rrugor), Nik Xhelilaj (Maksimilian Murati, Detektiv), Sara Kolami (Armina Hysa, Partnerja e Xhinos), Alfred Trebicka (Xhevahir Sula, Shefi i Policisë), Arben Bajraktaraj (Astrit Kulla, Ministër i Brendshëm), Emiliano Bufazi, (Fiorentino Beta, Koka e Mafias), filmi aksion ka qenë pjesë e kinemave të Tiranës e Prishtinës prej janarit të këtij viti.
Me një sinops të detajuar filmi prezanton ngjarje korrupsionit në pushtet dhe mafies, një valixhe me një përmbajtje shumë delikate, grabitet në mes të ditës nga një grup mafioz. Xhino dhe Maks, dy detektivë të caktuar në mënyrë rastësore të punojnë me njeri-tjetrin, kanë shumë pak kohë të zbardhin të vërtetën e ngjarjes dhe të zbulojnë se kush eshtë mafiozi që fshihet pas grabitjes, si dhe përmbajtjen sekrete të saj. Xhino është një djalë i ri, i cili ka 2 muaj që punon në forcat policore, si oficer policie dhe sapo ka nisur karrierën e tij. Një ngjarje kriminale në qytet trondit forcat policore të cilat vendosen në lëvizje për të gjetur autorët. Shefi i policisë do ta vendosë Xhinon si partner me Maksin, një detektiv i sertë dhe me përvojë. Të dy do kalojnë një seri aventurash dhe zbulimesh, ku ndërthuren mafia, pushteti dhe korrupsioni.
Dokumentari shqiptar ”Debunking the Myth of Albania”
Nëpërmjet rrugëtimit të tij, Kyle takohet me vendas, ekspertë, historianë dhe udhëtarë të tjerë, të cilët e ndihmojnë të zbulojë të vërtetën për Shqipërinë dhe të rrëzojë mitet negative që qarkullojnë në të gjithë vendin prej vitesh. Ndërsa udhëton nëpër Shqipëri, Kyle zbulon një vend që është i pasur me histori, kulturë dhe bukuri natyrore, me njerëz miqësorë dhe mikpritës që janë krenarë për trashëgiminë e tyre dhe të etur për të ndarë historitë e tyre me botën.
Gjatë rrugës, ai viziton vendet historike, merr pjesë në ngjarje kulturore dhe eksploron disa nga peizazhet më mahnitëse të vendit, nga Alpet Shqiptare deri në bregdetin e bukur të detit Adriatik. Nëpërmjet eksperiencave të tij, Kyle mëson se Shqipëria është jo vetëm e sigurt për udhëtarët, por edhe një destinacion që duhet të jetë në listën e të gjithëve.
Dokumentari,” Debunking the Myth of Albania”, është një histori e fuqishme dhe frymëzuese që tregon se si kurioziteti dhe vendosmëria e një njeriu mund ta çojnë atë në një udhëtim zbulimi dhe se si një vend që dikur ishte i mbuluar me mister dhe keqkuptime mund të zbulohet si një e vërtetë e fshehur, perlë që pret të eksplorohet.
