By Nëntori, muaji i trashëgimisë shqiptare në Ontario u shpall i tillë në Parlamentin e Ontarios pas projektiligjit të aprovuar më 5 dhjetor 2016. Projektligji i hartuar nga shoqatat e Bashkësisë Shqiptaro-Kanadeze, u paraqit fillimisht në parlamentin e Ontarios duke e zyrtarizuar atë me stemën (logon) identifikuese një vit më vonë, më 3 nëntorin e 2017.
Në Toronto u mbajt një ceremoni mbresëlënëse në Parlamentin e Ontarios kur atëherë ishte kryeministre e Provincës, Kathleen Ëynne, me pjesëmarrje të anëtarëve të kabinetit dhe të Parlamentit të Ontarios duke uruar edhe Ambasadorin dhe përfaqësuesit e SHBSHK-së me rastin e nëntorit, Muajit të Trashëgimisë Shqiptare në Ontario. Ky ishte suksesi i bashkëpunimit mes komunitetit në SHBSHK dhe ish- Presidentit të saj, Ramazan Këllezi, grupin e punës për trashëgiminë pranë kësaj shoqate dhe drejtueses, Dr. Ruki Kondaj, njëherësh Presidente Nderi e SHBKSH dhe ekipin për kontributin e palodhur.
Duke u bërë pjesë e historisë tonë të suksesit multikulturor, anëtarët e këtij komuniteti dinamik vazhdojnë të ndihmojnë në krijimin dhe forcimin e Ontarios. Komuniteti shqiptar tashmë është kontribues në jetën shoqërore, ekonomike dhe kulturore jo vetëm në provincën e Ontarios por në mbarë Kanadanë.
Shqiptarët në Kanada organizojnë shumë aktivitete, por ato kulmojnë çdo vit me festën e Pavarësisë.
