By Nga Kanadaja e gjer në Amerikë, nga Atlantiku në Paqësor, përgjigjja për t’iu bashkuar protestës në Tiranë nga shoqatat kulturore dhe ato të zhvillimit ekonomik ishte e njëjtë, ekzakt, të njëjtat fjalë, i njëjti qëndrim: “Nuk është në funksionin kulturor”. Nuk erdhën as si përfaqësues shoqatash, por as edhe si individë të lirë, të rreshtoheshin krah për krah me bashkëkombësit. Tani del vendgjykimi famëkeq i Hagës dhe këta të zhvillimit ekonomik nuk i ka zënë gjumi që mbrëmë, në sinkronizim të plotë.
Çuditërisht, kjo hyn në axhendën e zhvillimit ekonomik, kurse shfarosja e Shqipërisë nga shqiptarët, djegiet e pyjeve dhe ullishteve nga veriu në jug, në përputhshmëri të plotë me investimet strategjike të botuara në Albanian Files, dhuna e ushtruar nga policia e krimit pa uniformë e pa nr. identifikimi, shitja e tokave bujqësore te Izraeli, 4.2 milionë euro të tërhequra nga fondi i emergjencës për një reper të degraduar që vendet e tjera në Europë ia kanë mbyllur derën, inceneratori fantazmë, dosjet 5D, Tigri 2 dhe 3 në Vlorë që nuk prodhojnë energji, por që marrin miliona euro nga qiraja, lumi Shushicë që u çua në Palasë te Zamir Mane, duke lënë 50 fshatra pa ujë, 2 anijet me mbetjet toksike në Durrës që u harruan aty, inceneratori fantazmë, Tuneli i Ballukut, 9 miliardë euro të vjedhura… E këto nuk ishin në axhendën e zhvillimit ekonomik e as në atë kulturor!
Kuptohet nga dirigjohet asociacioni i zhvillimit ekonomik, qartazi tashmë. Ja, u desh ky moment t’ua hiqte maskën.
Kosova nuk është lecka ku Rama fshin këmbët. Enveri ia fali Titos në këmbim të ardhjes në pushtet. Në 2025, qeveria Rama votoi kundër nocionit për njohjen e gjenocidit serb ndaj popullit shqiptar. Ministrja serbe del në TV dhe thotë se duhej shuar krejt fara shqiptare dhe Rama i premton ambasadë në Shkodër. Open Balkan është grushti që dërrmoi Kosovën dhe Shqipërinë, duke falimentuar ekonominë vendase dhe duke na helmuar me miell që jo vetëm është për përdorim shtazor, por 3 herë ka dalë me përmbajtje pesticidesh vdekjeprurëse.
Unë, Armenida Qyqja, nuk u bashkohem ushtarëve të Ramës që vret ditën dhe qan natën. E dua Kosovën dhe do të thërras për Kosovën, UÇK-në e lavdishme në çdo protestë të patriotëve të vërtetë. Do të thërras për Kosovën, Çamërinë, Shkupin e Gostivarin dhe nuk do të lejoj që ëndrrën për Shqipërinë Etnike të ma përdorin si flamur për axhendat partiake dhe interesat personale të pushtetarëve.
Lavdi UÇK-së! Rroftë Kosova! 🇽🇰🇦🇱
