Lëvizja “Diaspora për Shqipërinë e Lirë“ pati privilegjin të zhvillonte një takim jashtëzakonisht të rëndësishëm me kongresmenin e distriktit të 1-rë në shtetin e Ohios, republikanin Steve Chabot.
Besa Sharrah, Florian Haçkaj , Bledar S. Milaqi , Nador Bakalli e njohën kongresmenin me problematikat kryesore të Shqipërisë. Ajo çfarë na surprizoi më shumë ishte se kongresmeni e kishte vizituar Shqipërinë dhe madje njihte edhe disa nga problemet e ngritura. Ndër të tjera u diskutuan:
![](https://ampress.ca/wp-content/uploads/2022/11/314176259_6091860117514064_3770947285205925788_n.jpg)
![](https://ampress.ca/wp-content/uploads/2022/11/313046560_6092704214096321_2753821554809259718_n-1-1024x577.jpg)
- Shembja e Teatrit Kombëtar nga regjimi Rama-Veliaj dhe krijimi i Lëvizjes
- Gjendja e rënduar politike dhe ekonomike, tendencat autokratike të qeverisë dhe tentativat për afrim me Rusinë dhe Kinën nëpërmjet nismave si Ballkani i Hapur
- Marrëdhëniet e shkëlqyera midis SHBA dhe Shqipërisë dhe ndikimi negativ që mund të sjellë mbi to mungesa e balancës midis palëve, e shfaqur nga përfaqësia diplomatike në Tiranë.
Vend të veçantë në diskutim zuri gjithashtu edhe Vota e Diasporës dhe nevoja për mundësimin e saj sa më shpejt. Kongresmeni është anëtar i komisionit për çështjet e jashtme në Kongresin Amerikan dhe u ra dakord që diskutimet të ndiqen me hapa konkrete bashkëpunimi.
Lëvizja e konsideron Kongresmenin mik të Shqipërisë dhe gjen rastin t’a falenderojë për kohën dhe takimin e ngrohtë. Gjithashtu përkrahim pa rezerva rizgjedhjen e tij në zgjedhjet e Nentorit 2022.