By Valentin Cela është një profesionist dhe iniciator ideshë të reja në Kanada, i njohur për ekspertizën e tij në fushën e financave, sipërmarrjes dhe lidershipit komunitar. Karriera e tij dhe ambiciet akademike janë një pasqyrim i punës me dinjitet, sakrificës dhe përkushtimit ndaj vlerave.
Arsimimi dhe Arritjet Akademike
Me një dëshirë dhe përkushtim të pandërprerë për dije, Valentini ka ndërtuar një shteg akademik të vazhdueshëm dhe të njëpasnjëshëm. Pas një Masteri në Kontabilitet dhe Auditim nga Universiteti i Tiranës, ai vazhdoi të japë kontribut si asistent në Fakultetin e Ekonomisë të së njëjtës institucion dhe në Universitetin Europian të Tiranës, ku trajnoi një brez studentësh për dy vite. Historia e tij disa-vjeçare profesionale në Shqipëri u ndërpre kur ai mberriti në Kanada, e shoqëruar me një stres psikologjik dhe kulturor, pasi nuk e pritej ajo që i ndodhi. Aty u përball me një situatë ku eksperiencat e punës nga një vend në zhvillim si Shqipëria nuk njiheshin në realitetin e ri qe ai shkoi, dhe domosdoshmërisht duhej të fillonte nga e para. Për më shumë, kushdo që pyeste thoshte se pesë vitet e para janë të tilla dhe duhet t’i durosh. Ai nuk ishte shumë dakord me këtë thënie, por e studjoi për muaj të tërë, duke i dhënë edhe shpjegimin e tij: “Njeriu beson atë që do, jo atë që i thonë të tjerët”.
Në Gusht 2022, ai, me ambiciet e tij, arriten në Kanada, ku fillimisht u thellua me studime pasuniversitare në Humber College dhe Universitetin e York-ut. Përveç këtyre, ai ka përfunduar mbi dhjetë kurse të avancuara profesionale universitare, përfshirë HarvardX, MITx, dhe Western University.
Angazhimi i tij në kërkime shkencore është përshkruar nëpër konferenca ndërkombëtare në Turin dhe Dubrovnik, ndërsa në Shqipëri shënoi dy fitore në konferencat e organizuara nga Universiteti i Tiranës dhe Aleksandër Moisiu. Këto arritje, megjithatë, ai i shikon si dhurata, duke i shoqëruar në çdo hap të rrugëtimit të tij.
Roli i tij në komunitet
Valentini e sheh angazhimin social si një detyrë të brendshme për çdo profesionist. Që nga viti 2021, ka shërbyer si koordinator i Olimpiadave Ndërkombëtare Ekonomike për Shqipërinë dhe anëtar jurie, duke kontribuar në përgatitjen e të rinjve për sfidat globale. Gjithashtu, si pjesë e Inxhinierëve të Rinj Evropianë dhe Drejtues i Ditës Ndërkombëtare të Kreativitetit, ka ndihmuar në formimin e rrjetave ndërsektoriale për profesionistët.
Në Kanada, dedikimi i tij u konkretizua me themelimin e NextGen (Janar 2024), një platformë inovative për mundësi profesionale, dhe vazhdoi me regjistrimin e organizatës Albanian Youth, duke mobilizuar 13 anëtarë për projekte jo-fitimprurëse, jo-politike dhe si iniciativë e pastër e dedikuar profesionistëve. Me iniciativën unike Klubi i Të Martëve në Toronto, ai solli në qendër profesionistët e fin-tech për të diskutuar sfidat e sektorit, duke krijuar edhe lidhje me komunitetin ukrainas. Këto projekte nuk janë thjesht për tituj apo certifikata, por mjete për të ndërtuar mbështetje të vërteta reciproke.
Balanca mes përkushtimit për sipërmarrjen dhe Rritjen personale
Pasioni i Valentinit për inovacionin dhe financat e ka gjetur shprehje në themelimin e OZZO-së, një startup me 110,000 përdorues aktivë në Shqipëri. Me një qëndrim praktik, ai investoi fitimet nga ky projekt për të financuar studimet në Kanada, duke treguar interes për rritjen personale.
Ekspertiza e tij nuk është thjesht një listë suksesesh, por një mjet për të ndikuar pozitivisht. Si lider i ekipit shqiptar në Olimpiadat Ekonomike (2021-2022), ai drejtoi me durim një skuadër drejt rezultateve të respektueshme në arenën ndërkombëtare.
Aktualisht, Valentini po zhvillon karrierën në financa, duke balancuar me kujdes punën profesionale me angazhimin akademik dhe projektet komunitare. Udhëtimi i tij nuk është i mbushur me fanfara, por me vlera të thjeshta: etika e punës, kënaqësia për të ndihmuar dhe besimi se çdo hap i vogël kontribon në një ndryshim të qëndrueshëm.
Nga Tirana në Toronto, historia e tij është një tregim i butë i këmbënguljes dhe përqendrimit në rrugën, jo në destinacion. Pikërisht ky kombinim i modestësisë dhe përkushtimit e bën atë një model frymëzues për ata që besojnë se ndikimi i vërtetë lind nga veprat e vogla, të përsëritura me dashuri.
