By Montreal- Quebec
Për çdo profesionist nga Shqipëria, emigrimi në Kanada ka qenë një sfidë e pranuar. Nëse një inxhinier elektronik kërkon të punësohet në Kanada, është e rëndësishme plotësisht planifikimi dhe kërkon përkushtim. Inxhinierët elektrikë dhe elektronikë janë aktualisht një kërkesë e lartë në të gjithë Kanadanë, megjithëse për sa i përket kërkesës absolute, çdo profesionist i tillë ka disa hapa për të superuar.
Besnik Bashi është shqiptar i vendosur në Montreal prej vitit 1998. I larguar nga Shqipëria më herët në Amerikë, për të emigrimi në Kanada ishte komplet një udhëtim ndryshe.
Ai iku nga Shqipëria pas përfundimit të studimeve të larta për Inxhinieri Elektronike, shqiptari ka qenë gjithmonë përfaqësues i Shkodrës në Olimpiadat e matematikës edhe në rang kombëtar ku ka triumfuar gjithmonë i pari.
Në vitet para demokracisë kur elektronika ishte dega inxhinierike më e vështira për arsimim, dhe kur çdo qytet ofronte vetëm një bursë studimit në Universitetin e Tiranës, Bashi ishte i padiskutueshëm të ishte i vetmi shkodran në këtë degë.
I rritur mes dy kulturave fetare myslimane dhe katolike te Shkodres, Besnik Bashi tregon se besimi i tij i vetem dhe faktori me i fuqishëm motivues për sukses ka qenë dhe mbetet shqiptarizmi.
Me ardhjen dhe vendosjen në Montreal nuk ka qenë aspak e lehtë adaptimi me kulturën apo tregun e punës por duke pranuar realitetin ka pranuar t’u bindet kritereve të orientuara edhe nga instancat kanadeze mbi punësimit se vetëm 3 janë mënyrat për t’u pranuar profesionalisht në treg: të zotëronte një diplomë studimesh kanadeze, të ishte njohës mjaft i mirë i anglishtes dhe frëngjishtes, si dhe të krijonte eksperiencë pune kanadeze. Madje këto janë edhe këshillat që ai do t’i ndante me këdo shqiptar që do të emigrojë në Kanada.
Pas një ecejake jo fort të lehtë në dyert e universitetit Concordia, për inxhinieri elektronike, dega Telekom, Bashi menjëherë do të binte në sy për aftësitë e tij absolute në matematike duke iu akorduar, bursa e mijëvjeçarit në bazë të rezultateve të tij dhe çmimi i parë për temën e diplomës më të mirë në të gjithë Kanadanë. Çmim ky i akorduar nga fakulteti i “Master Of Engineering in Telecom” i Universitetit të Torontos. Me po të njëjtën vullneti ai ndoqi edhe provimet e Urdhrit të Inxhinierit, pas së cilës është i vetmi shqiptar në Quebec që mban unazën e Urdhrit me akreditim në tre urdhera inxhinieresh (Quebec, Ontario dhe British Columbia). Unaza e Hekurt është një unazë e mbajtur nga shumë inxhinierë të trajnuar në Kanada, si një simbol dhe kujtesë e detyrimeve dhe etikës që lidhen me profesionin e tyre. Unaza u paraqitet të diplomuarve të inxhinierisë në një ceremoni private të njohur si ‘Rituali i thirrjes së një inxhinieri’.
Besnik Bashi ing., P.Eng., prej shumë vitesh punon në një kompani elektronike e cila furnizon, bën dizenjon inxhinierike dhe trajnon inxhinieret e kompanive kanadeze në fushën e telekomit për sistemet celulare të teknologjisë më të fundit në tregun botëror.
Ndër të tjera, specialiteti i tij është të nuhasë një produkt me potencial dhe ta permiresojë atë në nivelet më të larta të teknologjisë duke e bërë të nevojshëm për tregun perëndimor. Sipas Bashit, tregu amerikan mbetet arenë më e mirë për testimin, jo vetëm për teknologjitë e reja në fushën e telekomit, por pothuaj për çdo industri.
Ai është pjesëmarrës në çdo vit në Panairet e Teknologjisë, si ai qe mbahet në Barcelonë, Las Vegas dhe Los Angeles. Aty ai njihet me prodhuesit e pajisjeve elektronike duke u ofruar kompanive të tjera mundësinë që produktet e tyre të rrisin shkallën e cilesise, sigurisë dhe përdorimit.
Në një kompani të mirëfilltë shitësish dhe inxhinierësh telekomi, Besniku, i specializuar në teknologjine DAS (Distributed Antenna Systems), duhet të jetë dy hapa para në shkallë njohurish për tregun. Ai thotë së pasi bëjnë përshtatjen e pajisjeve per tregun Kanadez edhe atë botëror, ai dhe kompania e tij u prezantojnë kompanive kryesore të teknologjisë kanadeze si BELL, TELUS, ROGERS, VIDEOTRON, SHAW, SASKTEL, FREEDOM, etc., sisteme dhe zgjidhje ingjinierike për të cilat kanë shumë nevojë dhe mund edhe të mos jenë në dijeni. Kompania ofron shërbimin, furnizimin, dizenjon dhe trajnimin e inxhiniereve për përdorimit e produkteve që ofrojnë.
Emrin e tij e mbajnë mjaft projekte të mëdha dhe sisteme te komunikimit celular në Montreal dhe më gjerë. Ketu mund të përmendet metroja e Montrealit, Bell Center, Rosemont Hospital, St-Justin Hospital, të cilit ia ka bërë ai dizenjon, Canada Line në Vancouver, EVRAZ center në “Mosaic stadiumi” në ‘Regina’ ku u bë finalja e Ligës Kanadeze të futbollit Amerikan, të gjitha rrjetet celulare janë të krijuara prej tij, si dhe sistemin e mbrojtjes anti-dronë për aeroportin e Torontos, të parin sistem Wi-Fi per ViA Rail dhe fletën e trenave Acela te Amtrak e shumë sisteme telekomunikacioni në Evropë apo Afrikë.
Cilat janë sjelljet e njerëzve dhe si sillen ata me teknologjinë?
Bashi mendon se Kanadaja duket te ece me hapa më të shpejtë për sa i përket anës teknologjike. Ekzistojnë mundësitë dhe duhet të avancohet drejt aplikimit më efikas të teknologjisë nga industria dhe popullatat në përgjithësi. Nuk mjafton vetëm të kesh celularin e fundit, pajisjet elektronike të fundit, por duhet edhe njohuri më të thella për një përdorim më efikas të teknologjisë në përgjithësi.
Kanadaja është një ndër vendet e indutralizuara me kosto relativisht të larta të shërbimeve të Telekomit, e sidomos për rrjetet e Komunikimit mobile, sidoqoftë inxhinierët kanadezë punojnë me pasion për të mbajtur Kanadanë në nivelet më të larta teknologjike. Mbas një implemetimi të sukseshëm të rrjetit 5G, dhe IoT (Internet of Things), në Kanada po hidhet vështrimi drejt teknologjisë tjetër të avancuar, atë që do ta njohim si 6G, ose si IoS (Internet of Senses).
