By Një avion i Delta Airlines u përfshi në një aksident gjatë uljes në aeroportin Toronto-Pearson në Kanada. Pamjet e para të publikuara në rrjetet sociale dhe mediat kanadeze tregojnë një skenë dramatike, me avionin plotësisht të përmbysur dhe rrotat e tij në ajër.
Një avion i kompanisë “Delta Airlines” është rrëzuar gjatë uljes në aeroportin ndërkombëtar “Pearson” të Torontos. Avioni, një Bombardier CR900, thuhet se po fluturonte nga Minesota në Toronto.
“Toronto Pearson është në dijeni të një incidenti gjatë uljes, që përfshin një aeroplan të Delta Airlines që ishte nisur nga Minneapolis. Ekipet e urgjencës po përgjigjen”, njoftoi aeroporti përmes një deklarate në platformën ‘X’. Një avion me 80 persona në bord është rrëzuar në Aeroportin ndërkombëtar të Torontos, duke lënë të dëmtuar 8 persona.
Avioni u përball me erëra të forta çfarë shkaktoi dhe rënien e tij në pistë. Mediat vendase thanë se 3 prej 8 personave që u plagosën nga ky aksident, janë në gjendje kritike për jetën. Një prej tyre rezulton të jetë fëmijë.
Një prej pjesëtarëve të ekuipazhit, postoi një video ku tregon momentin e rrëzimit të avionit duke shkruar: “Aeroplani ynë u rrëzua. Është me kokë poshtë. Shumica e njerëzve duket se janë mirë. Të gjithë po zbresim”.
Autoritetet në vend njoftuan se të gjithë personat u evakuuan, ndërsa bordi i sigurisë njoftoi se do të ndjekë një hetim për këtë incident. Kryeministri i Ontarios, Doug Ford, u shpreh i lehtësuar kur mësoi se nga ky incident nuk pati viktima, duke shtuar gjithashtu se autoritetet lokale treguan gatishmëri për të ofruar ndihmë.
Pamjet tronditëse nga vendi i ngjarjes tregojnë avionin me kokë poshtë në pistën e aeroportit, ndërsa pasagjerët u panë duke dalë nga avioni dhe duke ecur në pistën e akullt. Sipas CTV News të paktën tetë persona janë plagosur.
