By Montreal
Prej kur Vatikani shenjtëroi nobelisten me origjinë shqiptare Nënë Tereza (Gonxhe Bojaxhi), çdo 5 shtator mbetet një arsye për të mbledhur edhe shqiptarët në Montreal të Kanadasë, në sheshin pranë Stacionit Metro Monk në orën 11:00, ku prej 25 Nëntorit 2012 është vendosur statuja e shqiptares më të njohur në botë.
Thirrja e përvitshme nga Shoqata e Shqiptarëve të Montealit në Kebek (The Albanian Association of Montreal, Quebec), edhe këtë herë nuk ka munguar për të ftuar bashkëatdhetarët në takimin e përkujtimit të shenjtores.
Përshëndetje të dashur bashkatdhetarë,
Siç e kemi tashmë traditë të përvitshme, ju ftojmë të mblidhemi të dielën 5 shtator në orën 11:00 përpara statujës së Nënë Terezës, pranë « Metro Monk », me rastin e ditës së shenjtërimit të saj.
Le ta shfrytzojmë këtë moment për të respektuar humanisten tonë të shenjtë dhe në të njëjtën kohë për tu mbledhur së bashku, gjithmonë në respekt të rregullave sanitare të vendosura nga shëndeti publik .
Me respekt,
-Bashkësia Shqiptare e Kebekut në Montréal
-Shoqata Kosova
-Shoqata Kulturore Shqiptare Montréal
Pika referimi
Ku: Pranë Stacionit Metro Monk, rruga “Allard”
Kur: E diel, 5 shtator, në orën 11:00
Sikundër sjelljes në vëmendje nga komuniteti shqiptar i vendosur në Kanada, edhe në Shqipëri 5 shtatori është një festë zyrtare.
Në një ceremoni madhështore më 2016, në Sheshin “Shën Pjetri” në Vatikan, Papa Françesku, njohu dy mrekullitë e saj, të shërimit të të sëmurëve pas vdekjes së saj më 1997.
Statuja e së shenjtes është një punim artistik i skulptorit shqiptar Benard Lekgegaj. Me iniciativë dhe mbështetje financiare nga vet komuniteti shqiptar, vepra u arrit të realizohej në një kohë rekord, për të qenë pjesë e festimeve të Diasporës prej celebrimit të 100-vjetorit të pavarësisë.
Nënë Tereza ose Shenjt Tereza e Kalkutës lindi në Shkup në vitin 26 gusht 1910. Emri i saj i lindjes është Anjezë Gonxhe Bojaxhiu.
Shenjt Tereza, por që në mbarë botën thirret “Nënë Tereza”, një grua me fytyrë të imët, të rrudhur, të plakur, pushtoi imagjinatën e botës me përkushtimin e saj ndaj të varfërve, veçanërisht në qytetin indian të Kalkutës, ku ajo fillimisht themeloi strehimoren e saj të parë për të pritur me mijëra “njerëz të trotuar”.
Shenjt Tereza është shembull i jashtëzakonshëm i misionit të heshtur e të pareshtur të bamirësisë, dëshmitare e paharrueshme e dashurisë, që gjeti shprehjen e vet konkrete në shërbimin e vazhdueshëm ndaj vëllezërve e motrave më të varfër e më të braktisur të botës, pa dallim e pa përjashtim race, feje, kombësie apo përkatësie shoqërore.
