By Toronto, Kanada
Mbrëmjen e së shtunës, komuniteti shqiptar i Torontos pati kënaqësinë të mirëpriste dokumentarin “Ëndrra e Fan Nolit” dhe të diskutonte për librin “Apostulli”. Ngjarja u organizua në një sallë klasike në qendër të qytetit, e cila i dha një atmosferë të përshtatshme për eventin.
Rrëfimi i Fan Nolit të vërtetë, pa lustër dhe ideologji, ishte në fokus të diskutimeve. Autor dhe studiues Ilir Ikonomi ndau pasionin e tij për rrëfimin e së vërtetës historike, duke theksuar se retushimet dhe shtrembërimet vetëm sa e bëjnë qesharake figurën historike. Diskutimet u përqendruan edhe në vëllimin e dytë të biografisë së Nolit, për të cilin Ikonomi po punon aktualisht.
Ngjarja u organizua me përkushtim nga Shoqata Shqiptare e Kanadasë ACDA – Albanian Canadian Development Alternative, me ndihmën e Albanian Canadian Civic League dhe albanianyouth e Torontos.
Ilir Ikonomi falënderoi në mënyrë të veçantë dy shqiptarët e nderuar të diasporës, Rudin Dakli dhe Nador Bakalli, si specialistë të respektuar në profesionet e tyre dhe kontribuojnë në kauza fisnike për komunitetin.
Mbrëmja e pasur me diskutime për Nolin atdhetar, politikan, klerik dhe njeriun me të gjitha dritëhijet e tij, tregoi se kureshtja për figurat historike mbetet e gjallë në komunitetin shqiptar të Torontos. Ky eveniment i bukur dhe fisnik solli së bashku intelektualë dhe dashamirës të historisë, duke krijuar një ambient të veçantë dhe të ngrohtë.
Në përfundim të ngjarjes, Ikonomi ndau përshtypjet e tij pozitive dhe premtoi një kthim të ardhshëm në Toronto.
