Amerika e Veriut, bilanc tragjik nga stuhia dimërore

Amerika e Veriut, bilanc tragjik nga stuhia dimërore

Të paktën 28 ​​njerëz kanë vdekur në shtetin perëndimor të New York-ut, në Buffalo, pasi stuhia po vijon që të godasë Amerikën e Veriut. Qindra persona mbeten ende të bllokuar në makina për më shumë se dy ditë. Meterologët kanë paralajmëruar se më shumë se 1 metër dëborë do të rregjistrohet në disa zona të SHBA-së. Rreth 57 persona kanë humbur jetën. Presidenti amerikan Joe Biden miratoi një deklaratë emergjente që lejon mbështetjen federale për shtetin e New York-ut. 
Një pjesë e madhe e vdekjeve kanë ndodhur për shkak të arrestit kardiak si pasojë e të ftohtit dhe aksidenteve në rrugë. Një stuhi e tillë kaq e madhe nuk është regjistruar asnjëherë më parë. Ajo shtrihet nga Kanadaja deri në pjesën jugore të Rio Grandes. Rreth 60% e popullsisë së SHBA -së u përball me paralajmërime për motin e ftohtë teksa temperaturat ranë shumë poshtë normales. Prince Eduard e Ontarios shpalli gjendjen e jashtëzakonshme.

Meteorologët thonë se stuhia do të dobësohet gjatë ditëve të ardhshme, mirëpo qytetarët këshillohen t’i shmangin udhëtimet. Stuhia ka shkaktuar dëme të mëdha, por energjia elektrike është rivendosur në pjesën më të madhe të SHBA-së.

Mbi 15 mijë fluturime janë anuluar gjatë ditëve të fundit, duke shkaktuar kaos nëpër aeroporte për ata që duan të kthehen në shtëpi. 
Shumë dyqane ushqimore janë mbyllur, ndërsa kufizimet për lëvizjen me automjete vazhdojne, çka ka detyruar shumë njerez të bëjnë thirrje përmes rrjeteve sociale për t’i ndihmuar me ushqime. Në Kanada, provincat e Ontarios dhe Kuebekut kanë pësuar dëmet më të mëdha nga kjo stuhi. Në Kuebek pothuajse 120.000 njerëz mbetën pa energji elektrike. Zyrtarët thonë mund të duhen disa ditë deri të lidhet sërish të gjithë shtëpitë me rrjetin elektrik.

administrator

Related Articles

Leave a Reply

Your email address will not be published.