By Mjeku Ilir Allkja foli mbi rritjen e numrit të rasteve me Covid-19 ku përmendi rastin e urbanave të cilët tejmbushen me njerëz që nuk zbatojnë masat mbrojtëse. Ai u shpreh se shumë njerëz i mbajnë maskat për të mos marrë gjobë, por dhe ata që i mbajnë i përdorin në mënyrën e gabuar pasi i kapin me duar nga pjesa e brendëshme, i veshin nga mbrapa edhe nga ana para dhe i mbajnë për disa ditë në xhep.
Ndërsa sa i përket ndryshimit të orës policore mjeku Allkja u shpreh se nuk është dakort pasi njerëzit mjafton që në një orë të takohen me të tjerë në bare apo të hipin në urban të cilët janë vatër e infektimit, në momentin që ata hyjnë në shtëpi mund të infektojnë familjarët e tyre.
“Sëmundjet nuk luftohen me masa policore, luftohen me masa të zgjuar dhe me masa ekspertësh. Po rritet një brez të cilit prej dy vitesh i mungon arsimimi në auditore. Qarkullojnë plot urbanë të tejmbushur me pasagjerë pa asnjë masë mbrojtëse.
Kam vërejtur që njerëzit i mbajnë maskat thjesht për të mos marrë gjobën. Ajo maskë që ata mbajnë është një maskë që nuk të mbron nga asgjë. Maskat ndoten pas çdo eventi që në kemi. Domethën një pasagjerë që hipen në një linjë në momentin që del nga urbani duhet ta heqin këtë maskë dhe mos ta vendosin më. Unë kam parë që në të gjitha baret dhe kafenet e Tiranës dhe të Durrësit nuk respektohet distancat fizike.
Unë nuk jam dakort me orën policore. Mjafton që në një orë te vetme në ditë njerëzit të takohen në këto bare të hipin në urban që janë vatër infeksion dhe të kthehen në shtëpitë e tyre, njerëzit dalin kontaminohen hyjnë në shtëpitë e tyre infektojnë familjarët e tyre.
Masë e zgjuar do të thotë që tek promocioni shëndetësorë që njerëzit sqarohen rregullisht për rrugët e përhapjes dhe parandalimit të marrjes së infeksionit, për përdorimin e maskës. E kapin me duar nga pjesa e brendshme, e veshin edhe nga mbrapsht edhe nga para dhe e mbajnë disa ditë në xhep, e nxjerrin sipas nevojës kur shofin ndonjë policë. Gjobat kanë qenë nja hajvanllëk i kësaj qeverie, nuk ulin testimet, por ul promocionin”– u shpreh Allkja.
