By Në qytetin e Montrealit shkolla shqipe Naim Frashëri » ekziston pothuajse 20 vjet, por Shoqata Kulturore Kosova e pa të nevojshme që të hapet edhe një shkollë tjetër në qytetin e Lavalit pra hapi shkollën « DARDANIA ». Arsyeja ishte sepse aty banojnë një pjesë e madhe e popullsisë shqiptare.
Gjatë sezonit të vjeshtës shkolla shqipe « DARDANIA « ka të regjistruar mbi 27 nxënës të moshave të ndryshme, disa nuk janë të rregullt por rreth 20 nxënës i vijojnë mësimet nga dy orë çdo të shtunë.
Që ta ruajmë gjuhën shqipe në mërgatë duhet të mishërohemi kombëtarisht.
Sigurisht se gjuha shqipe kudo në botë na identifikon si shqiptar dhe duhet të jemi krenar për gjuhën tonë të bukur që kemi, për flamurin dhe traditën, prandaj duhet t’i duam dhe t’i ruajmë!
Gjuha shqipe është si urëlidhëse me Atdheun dhe konsiderohet si bazë e forcimit të identitetit kombëtar shqiptar. Fëmijët shqiptar në diasporë kërkojnë një vëmendje të veçantë për trashëgimin e gjuhës, kulturës shqiptare, çka që na bënë të kuptojmë se kjo është një sfidë.
Interesi për mësimin e gjuhës shqipe është në rritje e sipër. Mendoj se vitin e ardhshëm do ti kemi dy klasa. Prindërit i sjellin fëmijët e tyre dhe shihet se kanë interesim të dinë gjithçka rreth zhvillimit të mësimit shqip.
Krahasuar me numrin e nxënësve shqiptar që i vijojnë mësimet në shkollat kanadeze një numër mjaftë i vogël i ndjekin mësimet në shkollën shqipe gjë që është e dhimshme. Sigurisht që edhe prindërit përballen me sfida të ndryshme si : mungesa e kohës së lirë apo largësia.
Vërehet me të madhe në ato familje ku mbizotëron gjuha shqipe edhe fëmijët e tyre janë shumë të suksesshem në shkollë, gjë që nuk është edhe e lehtë në këtë krahinë ku mbizotërojnë dy gjuhë si : frengjishtja dhe anglishtja. Me gjithë këto përballje fëmijët tanë ku jetojnë me mijëra kilometra larg vendëlindjes së prindërve të tyre ta ruajnë gjuhën shqipe të freskët, kjo është një mrekulli!
Ku falenderimi së pari iu takon prindërve.
Unë punoj si ndihmëse e mësuesës pesë ditë në javë në shkollën kanadeze. Mbrëmjeve pas punës gjej kohë të përgatitem për shkollën shqipe. Të punosh në të njejtën kohë me tri nivele kërkohet një punë e dyfishtë, mirëpo pasioni dhe dëshira i mundka të gjitha.
Kështu që mësimin e fillojmë të gjithë një zëri me këndimin e Himnit Kombëtar dhe me poemen « GJUHA JONË « të të madhit Naim Frashëri. Vazhdojmë tutje me një bisedë të lirë, me ditët e javës, parashikimin e motit, muajt dhe stinët e vitit. Pastaj vazhdoj me temën e javës duke u bazuar në librat që i kemi të siguruara nga Qeveria e Kosovës.
Mësojnë edhe përmes lojrave të ndryshme edukative që i përgatis gjatë javës ku mundohem të jam sa me e afërt dhe atraktive që t’i nxisë nxënësit të komunikojnë sa më lirshëm dhe të ndihen « EDHE UNË JAM KOSOVË »
Për ta mbajtur gjuhën shqipe ndër breza gjallë se cili duhet të kontriboj në mënyrën e vet, qoftë me koncerte, valle, kurse apo aktivitete të tjera kulturore!
Që të dy Shoqatat shpeshherë edhe bashkpunojnë me organizimin e aktiviteteve kulturore si festat kombëtare, promovime, festa e fund vitit dhe koncerte të ndryshme. Po ashtu kemi edhe grupin e valleve « ALBOS » të vajzave në Montreal.
Mendoj se fëmijët e diasporës po nëse arrijnë ta ruajnë gjuhën shqipe është sukses edhe i prindërve dhe i gjithë kombit tonë!
I uroj suksese revistes shkollore Zog Mëngjesi me drejtor Agim Kelmendin
Me respekt :
Mësuesja e shkollës shqipe « DARDANIA » Valbona Ahmeti
