By 
Një natë e mbushur me sharm dhe stil u përjetua në Montreal mbrëmjen e djeshme, kur stilistja e njohur ndërkombëtarisht, Sarah Paçini, bëri debutimin e saj me koleksionin e fundit të dimrit për vitin 2023. Ngjarja solli një atmosferë të magjishme në pasarelë në qytetin e modës, duke kapur vëmendjen e të gjithë dashamirësve. Me një kombinim të shkëlqyer të dizajnit të veçantë dhe stilin e jashtëzakonshëm, kjo ngjarje solli një freski dhe një ndjesi të re për dashamirësit e modës në metropolin e Quebec.
Në zemër të qytetit, në një prej vendndodhjeve më të lakmueshme në Montreal, në Windsor Ballroom, me një ambjent të mbushur me elegancë dhe inovacion, Sarah Paçini paraqiti koleksionet për sezonin e dimrit. Me një produksion profesional, muzikë moderne, emra të famshëm të televizionit, botës së modës, biznesit dhe karrierës, mbrëmja u ndez në prezantimin e veshjeve nga 25 modele.
Në një sallë të ngrohtë dhe të mbushur me elegancë, në koleksionin tërheqës ndihej përdorimi i kreativitetit dhe formave unike, duke shfaqur një vizion autentik të dizajnit, e cila përshkroi bukurinë dhe individualitetin e dimrit.
Me prezantimin e fundit, Sarah Paçini vazhdon të jetë një burim frymëzimi për ata që adhurojnë modën dhe stilin. Me një vëmendje të veçantë ndaj detajeve dhe një ndjeshmëri të thellë për shpirtin e modës, ajo bëri që kjo ngjarje të ndihej si një përvojë e jashtëzakonshme për të gjithë pjesëmarrësit dhe të apasionuarit e modës së fundit.
Ky show nuk bëri vetëm një paraqitje të zakonshme në skenën lokale të modës, por gjithashtu forcoi pozicionin e Sarah Paciini si një stiliste e shquar dhe e admiruar edhe për pasarelat ndërkombëtare.
Sarah Paçini u themelua 25 vite më parë në Belgjikë. Që atëherë, ajo ka bërë emër si një etiketë ekskluzive ndërkombëtare. Qasja e saj globale është të sjellë së bashku artin, dizajnin dhe modën. Kjo ka bërë të jetë një koleksion modern dhe bashkëkohor, një përshëndetje për feminilitetin që zhvillohet, trupin dhe shpirtin.
Nga Blerina Ruka
