By Në një botë ku estetika dhe funksionaliteti bashkohen, studioja e interier dizajnit “Këllezi ” po shënon një periudhë të re të kreativitetit dhe dizajnit inovativ. Duke mbajtur përparësinë e tyre të ofrimit të zgjidhjeve të dizajnit të brendshëm që përshtaten me karakterin dhe nevojat e secilit klient, “Studio Këllezi” po njeh treg me krijimtari të reja dhe tendenca të fundit në botën e dizajnit.
Me një përvojë të konsideruar dhe një portofol të pasur të projekteve të ndryshme, themeluesja Uarda Këllezi,arkitekte dhe njëherëshinterieur designer, ka arritur të ndërtojë një emër të respektuar në fushën e dizenjimit. Duke punuar në bashkëpunim të ngushtë me klientët, “Studio Këllezi” shndërron hapësirat në vepra arti funksionale, ku çdo detaj është kujdesur për t’u përshtatur me identitetin dhe qëllimin e ambientit.
Studioja “Studio Këllezi” nuk është vetëm një grup profesionistësh të talentuar, por edhe një komunitet që beson në fuqinë e dizajnit për të ndryshuar pozitivisht mënyrën se si njerëzit jetojnë dhe përdorin hapësirat e tyre. Në një kohë kur shtëpia është bërë qendër e jetës, ata synojnë të sjellin harmoni, bukurinë dhe funksionalitetin në çdo ambient.
Për klientët që janë në kërkim të diçkaje më shumë se thjesht një dizajn standarde, studioja “Studio Këllezi” është një burim i sigurtë i krijimit të një ambienti të personalizuar që reflekton identitetin dhe pasionin e tyre. Një udhëheqës në industrinë e dizajnit të brendshëm, ata vazhdojnë të shpalosin vizionin e tyre të kriativitetit nëpërmjet çdo projekti të ri.
Për Albanian Montreal Press, Uarda Këllezi vjen në një intervistë të detajuar mbi pasionin e saj për arkitekturën, të bukurën dhe projektet që lidhin dy dukuritë.
Cili ka qenë motivimi yt për të zgjedhur karrierën në arkitekturë dhe dizenjimit?
Fillimisht dëshiroj t’ju falenderoj për këtë interviste duke më dhënë mua mundësinë të prezantoj projektet e mia për një publik shqiptar më të gjerë.
Vendosa të vazhdoj studimet në një nga Universitetet më të dëgjuara për arkitekturë dhe inxhinieri, University of Waterloo pasi iu nënshtrova një konkursi të vështirë. Që në shkollën e mesme pata ndjesinë e cila u bë realitet që i përkas botës së arkitekturës mbështetur në aftësitë e mia për të pikturuar bukur, kombinimin e ngjyrave dhe objekteve në një stil të caktuar dhe duke patur dhunti artistike vendosa të studioja në këtë degë ku arti dhe inxhineria shkrihen natyrshëm në një. Interior designer është një tjetër dhunti e imja të cilën e shkrij natyrshëm me arkitekturën duke e vënë në shërbim të saj.
Cilat janë projektet më të rëndësishme në të cilat keni punuar deri tani?
Kam realizur me sukses disa projekte por do tëe filloja kryesisht me projektin tim të Penthouses luksoze për Cortel Group ku dizenjova 12 prej tyre me stile të ndryshme. Tani po punoj realizimin e disa luxury custom homes në Oakville dhe Vaughan që nga themelet. Projektet e mia janë të ndryshme pasi bashkëpunoj me klient të veçantë, me ndërtues, me kompani ndërtimi, dhe me studio më të mëdhaja arkitekturore.
Si përdorni kreativitetin dhe vizionin tuaj për të krijuar projekte arkitekturore unike?
Krijimi i një arkitekture unike vjen natyrshëm tek unë dhe ky është suksesi im, aftësia për t’i përshtatur arkitekturës dizenjimin e duhur është shumë e rëndësishme për të cilën përkushtohem dhe kjo me ka krijuar besim në vetvete. Një tjetër element i rëndësishëm në punën time është paraqitja e projektit tek klientët, mënyra sesi e organizoj kohën dhe shpjegimin në detaje më bën të jem e mirëpritur dhe e pranueshme nga ata. Gjëja më e rëndësishme për mua është që të përcjell stilin tim modern tek çdo gjë që bëj, ku mbizotëron përdorimi i materialeve natyrore siç është druri, mermeri, metalet dhe guri.
Cilat janë aftësitë dhe njohuritë që ju shërbejnë më së shumti në punën tuaj në studio arkitekturore? Si i ndihmon teknologjia e re juve në punën tuaj?
Njohuritë e marra në universitet si dhe eksperienca e përditëshme janë të parat mbi të cilën ndërtoj murin tim të suksesit në çdo projekt që marr përsipër. Gjithashtu studimi i metodave më të avancuara në arkitekturë, studimi i shumë punëve të arkitekteve më në zë më inspirojne së tepërmi për të qenë e sukseshme në punën time. Natyrisht një ndihmë po aq e madhe dhe lehtësuese është edhe teknologjia që përdorim sot siç jane softëare programs AutoCad, Rhino, Photoshop, Illustrator, InDesign and 3Ds Max.
Si i përcaktoni dhe i kuptoni nevojat e klientëve për projektet e tyre arkitekturore? Si arrini të përshtatni vizionin tuaj me kërkesat e tyre?
Gjithçka vjen natyrshëm por edhe me një punë këmbëngulëse. Pas takimeve që kam me klientët arrij të kuptoj shijet dhe kërkesat e tyre të cilat duhen reflektuar në propozimet dhe skicat e mia, dhe kjo natyrisht ma lehtëson së tepërmi punën time. Mundohem që me llogjikën e një arkiteteje t’ju shpjegoj klientëve përse duhet të veprojmë në këtë mënyrë dhe sa e rëndësishme është të ruhet stili i dizenjimit, si dhe sa funksionale janë ato për një përdorim sa më komod dhe të plotë.
Si ju shërben studioja juaj si burim inspirimi dhe zhvillimi profesional? Si e ruani veten në përparim me trendet dhe inovacionet aktuale në arkitekturë dhe dizenjim?
Studio Këllezi ndodhet në Woodbridge në një ambient italian i cili më ndihmon dhe më mbështet. Realizimi i ëndrrës time për të patur këtë studio arkitekture tashmë është një realitet që e kam arritur duke dedikuar shumë pasion dhe orë të zgjatura pune. Eshte vendi ku ndjehem më mirë dhe punoj e qetë, më gëzon fakti se kushdo vjen shpreh konsideratën dhe vlerësimin për arredimin e saj. Përvoja nuk fitohet në një ditë, as në një javë apo muaj, çdo ditë është një përvojë e re për mua, çdo projekt një tjetër gurë i vënë në murin tim të suksesit dhe më e rëndësishmja eksplorimi i të rejave nëpërmjet librave dhe teknoligjisë që çdo ditë e më tepër sjell të reja që duhen përqafuar. Pjesëmarrja në aktivitete dhe ekspozita të ndryshme më krijojnë mundësinë të njihem me arkitektë e designer të tjere me të cilët shkëmbejmë mendime mjaft të vlefshme në lidhje me të rejat në fushën e arkitekturës, dizenjimit, si dhe artit.
Bisedoi : Blerina Ruka
