Nga Aurenc Bebja*, Francë – 29 Gusht 2023
“Il Popolo del Friuli” ka botuar, të premten e 25 shkurtit 1938, në faqen n°6, një shkrim rreth vizitës së parë të Mbretëreshës Geraldinë në krahinën e Matit, vendlindjen e Mbretit Zog, të cilin, Aurenc Bebja, nëpërmjet blogut të tij “Dars (Klos), Mat – Albania”, e ka sjellë për publikun shqiptar :
Mbreti Zog dhe e fejuara e tij në krahinën e Matit
![Burimi : Il Popolo del Friuli, e premte, 25 shkurt 1938, faqe n°6](https://image.jimcdn.com/app/cms/image/transf/dimension=683x10000:format=jpg/path/sccc878db2fcfc101/image/ib6ec23b9d6f342c2/version/1693300418/image.jpg)
Mirëpritje entuziaste
Tiranë, 24 shkurt.
Mbreti Zog dhe kontesha Geraldina Apponyi, të shoqëruar nga familja mbretërore dhe suita e tyre, u nisën sot për në krahinën e Matit, djep i familjes Zog që luajti një rol mbizotërues atje me bejlerët e saj, për të shkuar për një qëndrim të shkurtër në vilën e Qafës së Shtamës, e cila ndodhet në një vendpushim piktoresk malor.
Sovrani dhe Mbretëresha e ardhshme u pritën me entuziasëm nga popullsia.