By Filmi kosovar “Vera Andrron Detin”, me regji të Kaltrina Krasniqit e skenar të Doruntina Bashës, ka arritur një tjetër sukses të jashtëzakonshëm.
Ky film bëhet e ditur se ka fituar çmimin kryesor në Festivalin Ndërkombëtar të Filmit në Tokio të hënën mbrëma.
Njoftimi është bërë nga faqja zyrtare e filmit në një postim të shpërndarë në Facebook. E zhytur në një atmosferë të tensionuar, “Vera Andrron Detin” është një portret intim por edhe universal i një gruaje e cila lufton një realitet të vrazhdë pabarazishë gjinore thellë të rrënjosura në shoqëri edhe në ditët e sotme’.
Në film luajnë: Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj, etj. Drejtoreshë e fotografisë: Sevdije Kastrati; Producent: Shkumbin Istrefi.
Vera andrron detin’ është bashkëprodhim në mes të Kosovës (Puntoria Kreative Isstra, Vera Films), Maqedonisë së Veriut (Dream Factory) dhe Shqipërisë (Papadhimitri Productions) i mbështetur nga Qendra Kinematografike e Kosovës, Agjencia e Filmit e Maqedonisë së Veriut dhe Qendra Kombëtare e Kinematografisë – Shqipëri
I njëjti fitoi gjithashtu dy çmime në Bienalen e Venedikut me vlerësimin e asociacionit të regjisorëve dhe profesionistëve në këtë eveniment. Po ashtu, ka qenë i pari nga Kosova që shfaqi premierë në Festivalin e Venedikut me çmimet: ‘Inclusion Edipo Re’ dhe ‘Autoret gra nën 40 [vjet]’.
Regjisorja e këtij filmi ka theksuar se ka të bëjë me një grua në mezo moshë e cila punon si interprete e gjuhës së shenjave. “Vera Andrron Detin” theksojmë që është mbështetur nga Qendra Kinematografike e Kosovës, Komuna e Prishtinës dhe natyrisht Ministria e Kulturës, Rinisë dhe Sporteve.
