By
Vancouver- British Columbia
Si çdo koncert simfonik edhe në mbrëmjen e 11 qershorit, dirigjenti shqiptar, maestro Bujar Llapaj solli një repertor të pasur klasik, për të prezantuar për herë të parë për publikun kanadez vepra shqiptare si dhe muzikën polifonike. E njohur në Kanada si “Orkestra Simfonike e Bregut Përëndimor”, ajo drejtohet nga dirigjenti shqiptar Maestro Bujar Llapaj.
Koncerti u ndoq nga qindra pjesëmarrës duke përfunduar me ovacione të fuqishme. Në program krahas muzikës klasike botërore, West Coast Symphony Orchestra e Vancouver luajti dhe pjesë nga kompozitor i njohur shqiptar Vasil Tole, etno-muzicist me famë ndërkombëtare.
Krahas mbështetjes dhe pjesëmarrjës masive nga artëdashësit kanadez në Vancouver, edhe këtë herë mbështetja dhe prania e komunitetit shqiptar i përqendruar në British Columbia nuk kish si të mos vihej re.
Prezent ishin dhe shkrimtari i mirënjohur Vangjush Saro, Kryetari Shoqatës shqiptare të BC Ardian Lagji, Konsulli Shqiptar në BC Edison Heba, dhe mjaft anëtarë të shoqatës apo artëdashës që janë kthyer tashmë në fansa të rregullt të të gjitha aktiviteteve e WCSO drejtuar nga Mjeshtri Bujar Llapaj.
Kryetari i Orkestres në shpalosjen e programit pasi informoi publikun për premierën boterore të Jim Hopson në pjesën me Alphorn (buri e madhe që luhet në malet e Zvicrës), prezantoi veprën e Vasil Toles duke njohur publikun artdashes kanadez me vlerat e muzikës shqiptare dhe me famën botërore të muzikës polifonike shqiptare dhe Iso-n (The Iso Poliphony Multiverse).
