Dardan Isufi me EVA fiton çmimin e inovacionit në ICT Awards për historitë shqiptare të suksesit në teknologji

Dardan Isufi me EVA fiton çmimin e inovacionit në ICT Awards për historitë shqiptare të suksesit në teknologji

Një dekadë më parë, kur Albanian ICT Awards hodhi hapin e parë, ekosistemi i teknologjisë, inovacionit dhe sipërmarrjes në Shqipëri ishte premtues dhe inspirues por edhe shumë ndryshe ai që njohim sot.
E personifikuar si një skenë e madhe arritjesh e yjeve Shqiptare në teknologjisë, inovacion e sipërmarrje, Albanian ICT Awards u shndërrua shumë shpejt jo vetëm një ngjarje unike, por edhe në një katalizator jetik për ekosistemin duke promovuar, nxitur e inspiruar ide formësuese dhe transformues për mbarë shqiptarët kudo ku jetojnë.
Edicioni 10-të jubilar i ICT Awards shënon një rikthim në vëmendje jo vetëm të një rrugëtimi prej një dekade, por të gurthemeli të një misioni shndërruar sot në një tempull inovacioni.

Çmime promovojnë dhe shpërblejnë punën, vizionin, arritjen e të rinjve, profesionistëve, liderëve, novatorëve, akademikë, studiues, sipërmarrës e femra në teknologji, këtë vit kjo garë ndan kriteret e vlerësimit në 6 kategori: ICT Inovacioni i VititICT Startupi i VititICT Sipërmarrja Inovative në BlockchainICT Diploma e VititICT Ylli në NgritjeGruaja në ICT dhe Siguri Kibernetike.

Vëmendje iu dha edhe atyre më të spikaturit e teknologjisë së informacionit dhe komunikimit në gjithë hapësirën mbarë shqiptare, si ekspertë, menaxherë, përfaqësues të botës akademike dhe sipërmarrës të suksesshëm në sektorin e ICT-së.
Me anë të prezantimit nga ekipi me seli në Kosovë, projekti EVA fiton çmimin e inovacionit të “blockchain” në ICT Awards. Fitues në Çmimin ICT Sipërmarrja Blockchain e Vitit u shpall Dardan Isufi me projektin Eva.
Platforma dhe teknologjia e EVA jo vetëm që mund të ofrohet si një platformë dërgesash por edhe mund të integrohet nga bizneset me brendin e tyre duke ruajtur lidhjen e drejtpërdrejtë me konsumatorin dhe aksesin 100% në të dhënat e tyre.

administrator

Related Articles