By Vancouver, British Columbia – Më 16 Mars 2024 u mbajt në Vancouver eventi: Rrjeti i Pofesionistëve Shqiptarë, i pari në llojin e tij në provincën e British Columbia. Ky aktivitet bëri bashkë një audiencë të konsiderueshme dhe kishte si qëllim mbështetjen dhe krijimin e një atmosfere të frytshme të bashkëpunimit dhe ndarjes së njohurive.
Në foto (nga e majta në të djathtë): Kija Gollopeni, Arben Durmishaj, Mimoza Pachuku, Fisnik Kumnova
Eventi u hap me një performancë muzikore emocionuese për të gjithë pjesëmarrësit. Grupi i artistëve i përbërë nga maestro Bujar Llapaj, Ben Meti dhe Arta Jolldashi performuan tre pjesë: Moj e bukura More, Baresha dhe Lule borë.
Në foto (nga e majta në të djathtë): Ben Meti, Arta Jolldashi, Maestro Bujar Llapaj.
Më tej, 5 profesionistë të shquar shqiptarë në fusha të ndryshme mbajten secili nga nje fjalim për audiencën.
- Dr. Odion Kalaci, Pediatër në spitalin e fëmijëve në British Columbia dhe President i BC Pediatrics Society, mbajti një fjalim rreth rrugëtimit të tij në fushën e shendetesisë.
- Martin Diko, Menaxher në Microsoft, ndau përvojën e tij të suksesit në fushën e teknologjisë informative.
- Mimoza Pachuku, Menaxher i Përfshirjes Qytetare në MOSAIC, foli për angazhimin e saj në mbështetje të barazisë gjinore dhe përfshirjes së komunitetit.
- Dino Alimanovic, Menaxher i Praktikës së Raportimit dhe Sigurisë së ESG në PwC, ndau njohuritë e tij në llogaridhënien dhe mbrojtjen e mjedisit.
- Fisnik Kumnova, Profesionist me përvojë në zgjidhjen e mosmarrëveshjeve dhe menaxhimin e projekteve, shpalosi vizionin e tij për fuqizimin e komunitetit Shqiptar në BC.
Në foto (nga e majta në të djathtë): Amarildo Ceka, Martin Diko, Mimoza Pachuku, Fisnik Kumnova, Dr. Odion Kalaci, Dino Alimanovic.
Organizatori i këtij eventi, Amarildo Ceka shprehet se ky event është vazhdimi i një serie projektesh për fuqizimin e komunitetit në BC. Sipas tij, komuniteti Shqiptar është shumë i angazhuar në shoqërinë Kanadeze dhe shembujt më të mire duhen promovuar dhe të shërbejnë si inspirim për brezat e rinj. Amarildo deshiron të falënderojë të gjithë ata që morën pjesë në këtë ngjarje të rëndësishme. Të pranishmit u inkurajuan të njohin pjesëmarresit e tjerë dhe të krijojnë lidhje të reja.
Me poshte do gjeni disa foto nga event.
