By Fiona, një stuhi e kategorisë 3, e goditi Bermudën me shira dhe erëra të forta të premten herët dhe ndërsa e përfshiu ishullin, parashikohet t’i afrohet Kanadasë verilindore në fund të ditës si një stuhi ende e fuqishme.
Autoritetet në Bermuda hapën vendstrehime dhe mbyllën shkollat dhe zyrat përpara së të afrohej Fiona.
Kryeministri David Burt bëri një mesazh në Twitter ku u kërkonte banorëve që “të kujdesen për veten dhe familjen. Të mos harrojmë të kontrollojmë dhe të kujdesemi për të moshuarit, familjen dhe fqinjët tuaj.”
Qendra Kanadeze e Uraganeve publikoi një pamje të uraganit mbi hapësirat e gjera bregdetare të Nova Scotia, Prince Edward Island dhe Newfoundland.
Fiona mund të mbërrijë në zonë si një “ciklon i madh dhe i fuqishëm post-tropikal me erëra me forcë uragani”.
“Do të jetë një stuhi që të gjithë do ta mbajnë mend” , tha Bob Robichaud, meteorologu paralajmërues i gatishmërisë për Qendrën Kanadeze të Uraganeve.
Qendra e Uraganeve e SHBA tha se Fiona kishte erëra maksimale të qëndrueshme prej 205 km/h të enjten vonë. Ajo ishte e përqendruar rreth 200 kilometra në veri të Bermudës dhe po i drejtohej veri-verilindjes me 41 km / orë.
Erërat me forcë uragani shtriheshin deri në 185 kilometra nga qendra dhe erërat tropikale me forcë stuhie deri në 445 kilometra.
Fiona deri më tani është fajësuar për të paktën pesë vdekje – dy në Porto Riko, dy në Republikën Domenikane dhe një në ishullin francez Guadeloupe.
Uraganët në Kanada janë disi të rrallë, pjesërisht sepse kur stuhitë arrijnë ujërat më të ftohta, ato e humbasin burimin e tyre kryesor të energjisë dhe bëhen ekstratropikal.
Por ato ciklone ende mund të kenë erëra me fuqi uragani, megjithëse me një bërthamë të ftohtë në vend të një bërthame të ngrohtë dhe pa sy të dukshëm.
Forma e tyre mund të jetë gjithashtu e ndryshme. Ato e humbasin formën e tyre simetrike dhe mund t’i ngjajnë më shumë presjes.
