By Kështu shkrunte njera prej banderolave në spanisht, vend ku këtë sezon, ka shpërthyer një valë protestash kundër turizmit masiv. Qytete si Barcelona apo Malaga, të vizituar me miliona turistë nga e gjithë bota, kanë shkaktuar irritimin banorëve…
Debati per turizmin nuk është një temë vetëm e Shqipërisë, por një valë e cila ka kapluar Europën. Mbipopullimi, rritja e qerave apo mungesa e banesave për vendasit, për shkak se përdoren për akomodimin e turistëve, si dhe sjellja jo e mire ndaj natyrës, ka bërë që ky shqetësim të arrijë kulmin këtë vit.
Qytete të ndryshme raportojne problematika të ndryshme, përshëmbull, Barcelona problematikë ka mbipopullimin, mijera turistë vërshojnë gjatë gjithë vitit. Ibiza, ka probleme me qiratë apo banesat, për shkak se të gjitha njesitë janë kthyer në hotele e Airbnb, ndaj kjo i shqetëson vendasit.
Në Danimarkë, natyra është problemi kryesor, mbeturinat apo sjellja jo korrekte ka bërë që turistet që mos jenë aq të “preferuar” për danezët. Ndërsa në Shqipëri, diskutimi është në ujra të tjera, turistet në vendin tonë shihen me shumë pozitivitet, madje këtë vit, ne vendasit u “shqetësuam” që nuk ishin aq në numër sa ç’prisnim. Në Shqipëri, problematikat e prekura për vendet europiane janë thuajse të gjitha prezente.
Edhe pse diskutimi i nxehtë ndalet tek çmimi i shezllonëve, apo çmimet e restoranteve, problemet me turizmin në Shqipëri janë më të medha.
Së pari, aeroporti i vetëm në Shqipëri, ai i Rinasit, me gjithë hapsirat e shtuara nuk arrin ta perballojë fluksin në rritje të turistëve, pritja e bagazheve apo daljes nga aeroporti të merr kohë të konsiderueshme. Ndërsa problemi i trafikut u duk sikur u zgjidh në aksin problematik të Fushë Krujës, akset Tiranë-Durrës, Lezhe-Shkodër janë kaotike dhe pritje me orë të tera trafiku. Së treti, babëzia për të “fituar shpejt” e ka kthyer perlën e Shqipërisë, Jugun, në një destinacion 1-2 ditor dhe pjesën tjetër të javës bosh, pa aktivitete e pa turistë.
-Tjetër problematikë, janë destinacionet shumë të vizituara, si Lumi i Shalës i cili prej 3 vitesh po keqmenaxhohet, mos vendosja e kuotave ka bërë që të mbijnë dhjetra struktura të pa sistemuara, me dyndje vizitoresh, që po e ndosin pa kriter. Qytetet, përjashtuar Gjirokastren, janë lënë pa vëmendje, edhe pse një pjesë e tyre janë munduar të sjellin aktivitete që të mund të behen atraktive per turistet, por do të duhej një perfshirje me e madhe me guida apo orientime të turistëve.
Për të ardhur në fund, dy problemet kryesore që ka sot turizmi në Shqipëri janë: mungesa e stafit, sidomos të kualifikuar, mungesën e një rrjeti instrastrukturor nderlidhës të qyteteve.
Ndërsa Europa po nis të marrë masa, si përshembull, Firence ka vendosur një kohë të caktuar kur shtepitë mund të jepen për AirBnb, Kopenhagen ka aplikuar këtë vit, një shpërblim me bileta falas apo me përfitim kafeje falas për çdo turist që tregohet miqësor me natyrën, mbledh mbeturina apo bën sherbime të tjera si përdorim të biçikletës si mjet transporti.
Drejtoreshë e destinacionit të njohur turistik Chillon Castle në Liqenin e Gjenevës, Marta Sofia dos Santos, thotë se ata po marrin shembull nga muzetë e Amsterdamit të cilët prej kohësh aplikojnë kontrolle dhe kuota, duke ruajtur keshtu muzete nga mbingarkesa.
Ndersa në Europë, shtetet janë koshiente për problemet në sektorin e turizmit, e po perpiqën të marrin masa, po në Shqipëri, kur do të ndodhë ndërgjegjësimi?
Qoftë nga qeveria, pushteti lokal, bizneset apo qytetarët!
Numri i turistëve nuk është mburrje dhe sukses, e aq më pak vizion afatgjatë, por përgjegjshmëri për të marrë hapat e duhur në kohën e duhur.
Për fat të keq në Shqipëri, turizmi, deri tani ka prodhuar vetëm një kantier të madh ndërtimi pakriter, që nuk po lë asnjë peme e asnjë det pa e demtuar.
Turizëm duam, po a është kjo mënyra?
