By Qytetarët e Shqipërisë do të jenë në gjendje të përfitojnë nga ratifikimi i Marrëveshjes së Sigurimeve Shoqërore me Kanadanë dhe anasjelltas hyn në fuqi në 1 gusht 2022.
Marrëveshja për njohjen reciproke të sigurimeve shoqërore u vjen në ndihmë qytetarëve shqiptarë dhe kanadezë që jetojnë e punojnë në vendet respektive, duke koordinuar pagesat dhe përfitimet sipas planeve publike të pensioneve të dy vendeve.
Me anë të një reagimi në rrjetin social në Facebook, ambasadori shqiptar në Kanada, z. Ermal Muça u shpreh:
I lumtur që tashmë procedurat e brendshme për hyrjen në fuqi të Marrëveshjes së Sigurimeve Shoqërore ndërmjet 
dhe 
kanë përfunduar në të dy vendet! Bazuar në nenin e 28-të të saj, kjo marrëveshje hyn në fuqi në datë 1 gusht 2022.
Krahas pasurimit të bazës ligjore të bashkëpunimit ndërmjet dy vendeve, marrëveshja ka efekte përfituese dhe është mbështetje për qytetarët shqiptarë që kanë vite që kontribuojnë në Kanada, por kanë edhe vite pune në Shqipëri. E nënshkruar pas një procesi të gjatë negocimi, sipas pohimit të autoriteteve kompetente vendase, teksti i kësaj marrëveshje është më i modernizuari dhe gjithëpërfshirësi nga marrëveshjet e kësaj fushe të realizuara deri në datën e nënshkrimit të saj. Me këtë rast, krahas mirënjohjes për znj. Chrystia Freeland për angazhimin për nënshkrimin e kësaj marrëveshje të rëndësishme, dëshiroj të shpreh falenderime edhe për të gjithë kolegët dhe autoritetet vendase të cilët kontribuan për realizimin e procesit të ratifikimit.
Një falenderim i veçantë për znj. Julie Dabrusin, kryetaren e Grupit Parlamentar të Miqësisë Kanada-Shqipëri dhe z. Rob Oliphant, Sekretarin Parlamentar të Ministres së Punëve të Jashtme për mbështetjen e pakursyer!
të marrëveshjes për “Mbrojtjen Shoqërore mes Shqipërisë dhe Kanadasë si edhe Rregullores Administrative” ne maj 2019
Rama përshëndet marrëveshjen
Marrëveshjen e ka përshëndetur edhe kryeministri Edi Rama. Me anë të një postimi në Facebook, Rama thotë se ky është një superlajm dhe hyrja në fuqi në 1 gusht u jep të drejtë qytetarëve të gëzojnë të gjitha përfitimet e kontributeve të tyre për pensionet.
“Superlajm! Kanadaja përfundoi procedurat e brendshme për hyrjen në fuqi të Marrëveshjes për njohjen reciproke të Sigurimeve Shoqërore me Shqipërinë
Kjo marrëveshje, e cila hyn në fuqi në 1 gusht 2022, u jep të drejtë qytetarëve të gëzojnë të gjitha përfitimet e kontributeve të tyre për pensionet”, shkruan Rama.
Marrëveshja për njohjen reciproke të sigurimeve shoqërore u vjen në ndihmë qytetarëve shqiptarë dhe kanadezë që jetojnë e punojnë në vendet respektive, duke koordinuar pagesat dhe përfitimet sipas planeve publike të pensioneve të dy vendeve.
