By Nga Blerina Ruka
Në Ditën e Përkujtimit, shpesh dëgjohet fraza ‘Për të mos harruar’ ndërsa kujtohen ushtarët e rënë nga Lufta e Parë Botërore në të gjithë Komonuelthin Britanik. Lufta e Madhe por ne e njohim si Lufta e Parë Botërore, mbahet mend të ketë marrë jetët e 40 milionë njerëzve në të gjithë botën, dhe kujtohet si lufta më e përgjakshme në histori.
Fraza ‘Që të mos harrojmë’ përmbledh dëshirën për të kujtuar tragjedinë dhe sakrificën e kaluar dhe për t’u siguruar që një katastrofë e tillë e përgjakshme nuk duhet të përsëritet më kurrë.
Por nga buron fraza ‘Për të mos harruar’?
Fraza e ka origjinën në një poezi viktoriane nga shkrimtari Rudyard Kipling, i cili e kompozoi atë përpara se të përdorej për të komentuar Jubileun e Diamantit të Mbretëreshës Victoria në 1897, kur u botua në të famshmen ‘The Times’.
Poema e përbërë me pesë strofa në gjatësi dhe nga gjashtë rreshta secila, titullohej Recessional. Nuk është një poezi për luftën, por realizmi i saj i zymtë dhe mungesa e jingoizmit ndoshta i përshtatet trishtimit universal pas Luftës së Parë Botërore.
Dita e Përkujtimit në Kanada
Dita e Përkujtimit do të nderohet në të gjithë Kanadanë. Vlerësohet si një vëzhgim i lirisë, i mirënjohjes dhe i historisë dhe diçka për të cilën duhet të kenë parasysh të gjithë qytetarët kanadezët. Është një përkujtim i më shumë se 2,300,000 kanadezëve që kanë shërbyer gjatë paqes, konfliktit e luftës si dhe një nderim i afro 120,000 jetëve të humbura në shërbim.
Vëzhgimi i parë i asaj që ne e quajmë Dita e Përkujtimit ishte në 1919 në të gjitha vendet e Komonuelthit Britanik. Ishte për të festuar fundin e Luftës së Parë Botërore dhe për të përkujtuar marrëveshjen e armëpushimit – kështu, fillimisht u quajt Dita e Armëpushimit. Deri në vitin 1930, Dita e Armëpushimit ishte një festë lundruese, si Dita e Nënës ose Pashkët, dhe festohej të hënën e javës kur ra 11 nëntori.
Në Kanada, në 1931 u miratua një projekt-ligj për të vëzhguar Ditën e Armëpushimit vetëm më 11 nëntor (me dy minuta heshtje të marrë në orën 11 të ditës së 11-të të muajit 11, kur marrëveshja e armëpushimit shënoi fundin e luftës) dhe emri u ndryshua në Dita e Përkujtimit.
Sipas: The Mirror
