By Pamje apokaliptike nga tërmeti 7.8 ballë që tronditi Turqinë këtë të hënë, po shpërndahen gjerësisht në rrjete sociale.
Si pasojë e tërmetit raportohet të jenë dëmtuar më shumë se 1,700 ndërtesa në 10 qytete turke duke lënë më shumë se 800 viktima. Numri i jetëve të humbura pritet të rritet pasi nga mediat turke bëhet me dije se një numër i madh personash ndodhet ende nën rrënoja.
Epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.
Bëhet me dije se ka pasur edhe tërmete pasuese, përfshirë edhe një me magnitudë 6.7 ballë të shkallës Rihter.
Më shumë se 1200 njerëz kanë vdekur në Turqi dhe Siri pas një tërmeti të fuqishëm me magnitudë 7.8 ballë që goditi Turqinë herët duke plagosur mijëra të tjerë në të dy vendet.
Të paktën 912 njerëz kanë vdekur në Turqi, tha presidenti turk Rexhep Tajip Erdogan në një fjalim televiziv.
Në Siri, të paktën 386 njerëz kanë vdekur, duke përfshirë 239 kryesisht në rajonet e Alepo, Hama, Latakia dhe Tartus.
Ekipet e shpëtimit në Turqi shpëtuan mbi 2,400 njerëz nga rrënojat e ndërtesave të rrafshuara nga tërmeti, tha Erdogan.
Në Turqi, rreth 9,000 personel po punojnë për momentin në përpjekjet e kërkimit dhe shpëtimit me më shumë njerëz që po bashkohen.
