MONTREAL/ Suksesi 18-vjeçar në tregun e pasurive të paluajtshme i shqiptarit Aurel Zaloshnja

Montreal – Quebec
Një agjent shitblerjesh profesionist në Montreal si Aurel Zaloshnja, ka depërtuar në tregun e pasurive të patundshme, duke shënuar suksese të njëpasnjëshme dhe duke bërë emër në këtë fushë. Agjenti kyç, i njohur për angazhimin e tij të pasionuar dhe njohuritë e pasur në tregun e pronave, ka arritur suksese të konsiderueshme në karrierën e tij.
Aurel Zaloshnja është bërë një burim i besueshëm për blerësit dhe shitësit në Montreal, Toronto e më gjerë. Me një përvojë të gjatë në tregun e pasurive të paluajtshme dhe njohuri të thella të tregut lokal, ai ofron këshillim të vlefshëm për blerësit dhe shitësit të cilët janë të interesuar për t’u përfshirë në këtë treg të zhvilluar.
Një nga sukseset më të reja të tij është shitja e disa pronave të luksit në zonën e qendrës së Montrealit, duke arritur çmimet e kërkuara dhe duke përshtatur blerësit me pronën e tyre të ëndrrave. Zaloshnja ka një qasje të personalizuar ndaj secilit klient dhe është i përkushtuar në sigurimin e një përvoje të jashtëzakonshme për klientët e tij.
Në Montreal, tregu i pasurive të paluajtshme është një nga më të konkurruarit në Kanada, dhe sukseset e Aurelit janë dëshmia më e mirë e aftësive të tij në këtë fushë. Duke qenë një emër i njohur në tregun e pasurive të patundshme të Montrealit, ai i shërben me pasion klientëve të tij të çmuar duke nisur nga komuniteti shqiptar.
Në një intervistë për Albanian Montreal Press, Aurel Zaloshnja tregon të detajuar hapat për të interesuarit në këtë treg të zhvilluar.

Si keni hyrë në industrinë e pronave të paluajtshme dhe si ka evoluar interesi i klientit për këtë treg?
Interesi për të hyrë në industrinë e pronave të paluajtshme erdhi si rrjedhojë e blerjes së pronës së parë në Kanada. Më pas pasoi me blerjen e një programi në lidhje me investimet në pronat e paluajtshme.  Në vitin 2004 mora formimin profesional pranë College Lasalle ku u licensova e më pas një specializim në vitin 2007 tek College Immobilier de Quebec, më dha mundësinë të hap zyrën time. Sot numëroj 36 të punësuar.

Cilat janë detyrat dhe përgjegjësitë kryesore të punës suaj në sektorin e pronave të paluajtshme?
Në ditët e sotme ekziston një mendim i gabuar se detyra jonë kryesore është thjesht të gjejmë një pronë të përshtatshme për klientët tanë. Në fakt kjo detyrë ka qenë shumë e rëndësishme në vitin 2005 kur unë fillova punë si agjent sepse klientët nuk kishin akses në internet. 
Fale teknologjisë, sot gjetja e një shtepie është më e lehtë por detyra kryesore nuk mbetet vetëm gjetja e shtëpisë për klientët tanë. Mbrojtja nga ana ligjore dhe vlerësimi i pronës në momentin e shit-blerjes është detyra parësore e çdo agjenti. Një tjetër përgjegjësi e jona është dhe verifikimi i dokumenteve, zbatimi i kushteve brenda kohës së caktuar tek oferta, inspektimi i pronës (me specialist të kualifikuar), verifikimi i vendndodhjes (zonë që përmbytet, zonë me gurë gëlqeror që shkakton thyerje në themelet e shtëpive, zonë që rrëshqet toka,ose që ka gazin Radon etj) janë të tjera pika kyçe në punën tonë. 

Si ndiheni në punën tuaj me blerësit dhe shitësit potencialë? Si kryeni negociatat dhe si menaxhoni presionin e kohës dhe pritshmëritë e klientëve?
Përveç faktit që puna jonë konsiston në orë të gjata të ditëve të javës dhe veçanërisht atyre të fundjavës, puna më jep kënaqësi. Plotësimi i ëndrrave të klientëve të mi për një shtëpi sa më të kompletuar në lidhje me kushtet e tyre është privilegj i punës time. Në fakt, ruajtja e interesit të klientit tim në negociata është parësore për mua. 
Në shitjen e një prone, faktori kryesor është që klienti im të marrë vlerën më të lartë për tregun në momentin e shitjes dhe të evitojë problemet ligjore që mund të ndodhin pas një shitjeje. Ndërsa në blerjen e një prone, faktori kryesor është të negociojë kushtet më të mira për ta dhe të mos e blejë atë mbi vlerën e tregut.
Përsa i përket presionit të kohës, është një pjesë e stresit të përditshëm në punën tonë. Kjo për arsyen se klienti mund të humbase një prone që i përshtatet më së miri për moskorrektësinë e një pale të tretë që nuk bën punën e vet brenda kohës së caktuar. (psh koha për të verifikuar dokumentet, koha për të bërë inspektimin, koha për të marrë konfirmimin e borxhit nga banka, etj)

Kush janë proceset ligjore që janë të lidhura me blerjen dhe shitjen e pronave?
Procesi për blerjen e një prone është i tillë; 

• Verifikimi i fuqisë financiare te blerësit ose të blerësave duke u takuar me bankën e tyre ose me referenca që unë bashkëpunoj;
• Takim me mua për të përcaktuar zonat dhe detajet e pronës që dëshirojnë dhe firmosja e një kontrate midis nesh për të qenë brenda rregullave ligjore;
• Kërkimet për pronat që ndodhen në market dhe që shtohen çdo ditë në bazë të kushteve të klientët;
• Mbyllja e vizitave për pronat që plotësojnë kushtet dhe verifikimi paraprak i dokumenteve të disponueshme;
• Vizita fizike e pronës duke vëzhguar me kujdes për probleme potenciale;
• Përgatitja e dokumenteve ligjore për ofertën dhe nogociatat për të marrë një çmim me kushtet më të mira për klientin;
• Pas aprovimit të ofertës, të dërgojë të gjitha dokumentet e pronës te banka për financimin dhe vlerësimin e pronës dhe të marrë një takim për inspeksionin e pronës;
• Pas inspektimit të pronës të negociojë përsëri për problemet që do dalin qjatë inspeksionit (zakonisht 1-3% të çmimit të blerjes) ose anulimin e plotë të ofertës;
• Përgatitja e dokumentit ligjor për modifikimet e bëra pas inspeksionit dhe dërgimi sërish te banka duke bërë një ndjekje të procesit të financimit;
• Mbyllja e një takimi për vlerësimin e pronës nga banka nëse pagesa e parë është mbi vlerën 20% të shumës së blerjes;
• Sugjerimi i një noteri profesional dhe dërgimi i dokumentacionit të plotë të blerjes;
• Sugjerim për kompani siguracionesh për pronën dhe hipotekën;
• Takimi te noteri dhe sqarimi i dokumenteve që klienti mund të ketë.

Procesi i një shitjeje është:

• Takimi i parë për të parë pronën dhe dokumentacionet;
• Verifikimi i dokumenteve së pronës dhe vlerësimi i saj në bazë të statistikave të zonës dhe duke e krahasuar me prona të njëjta të shitura gjatë muajve të fundit;
• Takimi i dytë ku shpjegohen vlerësimi dhe plani i marketingut për pronën gjithashtu edhe firmosja e kontratës për shërbimin;
• Takim me fotografin profesional për të prezantuar pronën sa më mirë dhe duke sugjeruar ndryshime estetike;
• Marketingu i pronës (vendosja në të gjitha faqet e internetit, tabela përpara pronës, organizimi i një vizite të lirë, shpërndarja e kartolinave në lagje etj;
• Prezantimi i pronës në takimin e zyrës të bashkëpunëtorët e tjerë për të parë nëse kanë blerësa potencialë;
• E dërguara e një emaili te 30 konsulentët më aktive të zonës;
• Lajmërime në rrjetet sociale, telefonata në zonën e pronës për të gjetur blerësin ideal etj;
• Komunikoj me klientin çdo 2 javë për ta informuar për ndryshimet e mundshme në treg (ulje ose ngritje interesi ose ligje të reja);
• Në momentin e një oferte; negociatat midis blerësit dhe shitësit duke mbrojtur gjithmonë interesin e shitësit;
• Negociatat pas inspeksionit dhe plotësimin e kushteve brenda kohës së caktuar tek dokumentet;
• Dërgimi i të gjithë dokumentacionit te notari dhe ndjekja e procesit për një transation pa probleme.

A është komuniteti shqiptar potencial i konsiderueshëm si klient madhor?
Komuniteti shqiptar në Montreal ka qenë një nga mbështetësit e mi kryesorë në punen time dhe do doja ti falenderoja të gjithë që kanë bashkëpunuar me mua dhe më kanë besuar.   Disa prej tyre janë nga qytete të tjera si Toronto apo Ottawa.

Si e përdorni teknologjinë dhe platformat digjitale për të rritur prezantimin dhe shitjen e pronave?
Teknologjia është një faktor kryesor në lehtësimin e punës tonë si konsulentë për prezantimin e pronave. Publikimi i shtëpive nëpërmjet Centris ose rrjeteve sociale është një nga metodat më të përdorura të platformave teknologjike në punën tonë. 

Cfarë ka nrdryshuar pandemia (postpandemia) në sektorin e pronave të paluajtshme?
Pandemia solli ndryshime të mëdha neçë fushën tonë. Si fillim prisnim një rënie të çmimeve të pronave por ndodhi e kundërta. Me qenë se shumë njerëz filluan të punonin nga shtëpia, ata që banonin në apartamente preferonin të kishin shtëpinë e tyre private dhe ata që kishin shtëpi private kërkonin diçka akoma më të madhe. Kjo solli një rritje të kërkesave të shtëpive. Gjithashtu edhe interesi i ulët i bankave bëri të mundur që shumë qiraxhinj të kishin pronën e tyre të parë.

Cfarë rekomandoni ju për të interesuarit, një shtëpi apo një apartament, cilat janë ndryshimet mes këtyre dy subjekteve?
Është e vështirë ti rekomandoj klientit tim midis një shtëpie private apo një apartament. Ky vendim është shumë personale.
Një shtëpi ka mirëmbajtje gjatë viteve e duhet të dish të zgjedhësh punimet ose punëtorët e caktuar për to. Përsa i përket një apartamenti, janë shumë ligje e rregulla të ndërtesës që duhen zbatuar dhe kur është për të vendosur për punime të rëndësishme, vendimi merret nga shumica dhe gjendja financiare e klientit nuk meret parasysh. Disa vendime mund të ndikojnë edhe vlerën e ndërtesën. Në takimin e parë që bëj me blerësit  dhe në bazë të kushteve të tyre shohim cili është vendimi më i mirë për ta.

Cili është vlerësimi në tregun aktual të pronave të paluajtshme dhe si parashikoni zhvillimet e ardhshme në treg?
Tregu është akoma i fuqishëm pavarësisht rritjes së interesave. Është e vërtetë që interesat e bankës  janë më të larta në këtë moment por çmimet nuk janë në nivelin që ishin në vitin 2022 e fillimin e 2023. Pritet që gjatë vitit 2024 interesat të fillojnë të ulen përsëri, gjë që do të afektojë në ngritjen e çmimeve. Ka shumë nga ne që presin momentin ideal për të blerë një pronë por në të vërtetë momenti ideal nuk ekziston. Në profesionin tim ka një thënie që thotë: Mos prit të blesh një pronë, por blije pronën tani dhe prit!

Bisedoi: Blerina Ruka