Vancouver, Kanada
Poetja shqiptare Armenida Qyqja, e njohur për ndjeshmërinë dhe talentin e saj të kultivuar, ka publikuar së fundmi vëllimin e saj të ri me poezi të titulluar “Mbi një gjysmë kafke bunkeri”. Ky vëllim përmban 114 poezi dhe është botuar nga Botimet Jozef në Tiranë, duke sjellë kështu një tjetër vepër të rëndësishme për lexuesit shqiptarë.
Vëllimi ka marrë vlerësime të larta nga kritikë dhe profesorë të njohur si Ilir Shyta. Poezia që i ka dhënë titullin librit është interpretuar nga artisti i njohur Xhelal Tafaj, duke e sjellë në jetë përmes zërit të tij të fuqishëm. Gjithashtu, poezitë në këtë vëllim janë interpretuar edhe nga artistë të tjerë të njohur, si Bujar Asqeriu dhe Engjëllueshe Alla.
![](https://ampress.ca/wp-content/uploads/2024/07/download.jpg)
Librat e Armenida Qyqja nuk kanë kaluar pa rënë në sy para emrave të letrave si Eris Rusi, Bardhosh Gaçe, Tefe Topalli, dhe Ilir Shyta si dhe studiuesi Defrim Cani, janë bërë një pjesë e rëndësishme e letërsisë bashkëkohore shqiptare. Ajo ka publikuar disa vëllime të tjera me poezi dhe prozë, përfshirë:
“Përtej Kangjellave të Shiut” (Poezi) – 2018
“Letra pa Zarf” (Poezi) – 2020
“Puthje në Eter” (Poezi) – 2020
“Mes Rrahjeve të Zemrës” (Poezi) – 2020
“Dyzët Plus” (Poezi) – 2021
“A Bunch of Poems Instead of Flowers” (Një Buqetë me Poezi në Vend të Luleve) – 2022
“I Vdekuri që Qesh” (Prozë) – 2022
“Kthjeja Zemrën Pranverës” (Poezi) – 2023
“Sizifi i Shpirtit Tim” (Poezi) – 2023
Vëllimi i saj i fundit “Mbi një gjysmë kafke bunkeri” i disponueshëm brenda dhe jashtë Shqipërisë në platformën online Bukinisti, duke u dhënë mundësinë lexuesve të kenë qasje të lehtë dhe të shpejtë në krijimet e saj të fundit.